İstəmirəm yuxular
Qollarımı yollarına sərmişəm
yavaşca gəl üstü başı toz olar…
Damcılama dəniz yuyar gözündən
bütöv qayıt sevgimizdən azalar..
Gələcəksən əllərində gül gətir
ulduzlardan yığıb söküb böl gətir
mənə yeni ürək gətir əl gətir
yoxsa burda könül işim pozular
Çatlağımı sən açmısan sən sarı
Ruhumdasan, cismimdəsən tən yarı
Qayıdarsan mən ölmədən gəl yarı
Qayıtmazsan ilim, günüm sozalar.
Qollarımı yollarına sərmişəm
gözlərini gözlərimə dərmişəm
sənsizliyi sənsizlikdə çəlmişəm
çatlaqlarım min bir yerə yozular.
Qayıdarsan qürur düşər yaxamdan qayıtmazsan qollarımda yazılar
qayıdarsan gülüşlərim çoxalar
qayıtmazsan bu qızcığaz yox olar.
Nəfəsində bir qucaqlıq istiyəm
İstəmirəm, istəmirəm yuxular.
MÜƏLLİF: GÜLNARƏ İSRAFİL
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru