ÇOBANYASTIĞI
Axşama qonaqlıq var idi
Beş badə düzmüşdüm Masanın üstünə
Bir mum yandırmışdım
Bir dəstə də çobanyastığı
Almışdım güldana…
Yene gəldi qonaqlarım
Qaş qaralanda,
Göz gözü görməyəndə
Xoruzlar banlayana kimi
oturduq…
Birinci badəni sənsizlik qaldırdı
Sənin şərəfinə içdik
İkinci badəni xəyallara süzdük
Sevdiyin mahnını da qonaq çağırmışdım
Səhərə qədər sağlıq dedi dayanmadan
Şam kimi əriyən ömrümün
Badəsini göz yaşlarımla doldurmuşdum
Çobanyastığı “sevir” deyene qeder
Otağıma həbs edib ləçəklərini
soldurmuşdum…
Son badəni qaldıran olmadı
O axşam masada bir yer boş
Bir badə yiyəsiz qaldı
Sən adlı qonağım gəlmədi
Bu axşamkı qonaqlıqda da üzüm gülmədi…
Müəllif: TURAN NOVRUZLU
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru