Gürcüstan respublikasının Kutaisi şəhərində 6-8 dekabrda Alpaqut döyüş sənəti üzrə Dünya Kuboku uğrunda 14 ölkənin 465 idmançısı mübarizə apardı. Bu mötəbər yarışda iştirak edən Milli komandamızın üzvü Rövşən Əlı oğlu Həsənov 95 kq çəki dərəcəsində 41 yaşdan yuxarı olanlar arasında Caymaz sistemi üzrə Dünya Kubokunun gümüş mükafatçısı oldu. Rövşən Həsənov 27.08.1983-cü ildə Şəki şəhərində dünyaya gəlib. Şəki şəhər 4 saylı orta məktəbində oxuyub. Hələ 7 yaşından “Məhsul” ( o zaman rayonlarda. ” Məhsul” idman cəmiyyətləri fəaliyyət göstərirdi) Kənd Könüllü idman cəmiyyətinə gəlir. Burada peşəkar idmançı Tahir müəllimlə tanış olur. Tahir müəllimin rəhbərliyi altında Şotakan Karate Do şərq döyüş növünün sirlərini öyrənir. Orta məktəbi bitirdikdən sonra 2001-03-cü illərdə Milli ordumuzda vətənə hərbi xidmət borcunu yerinə yetirir. Burda da hissədaxili idman yarışlarında iştirak edib birincilərdən olur. Hərbi xidmətdən sonra 2004-06-cı illərdə Şəki Texniki peşə məktəbində “Turizm ağenti” peşəsinə yiyələnir. Bununla da kifayətlənməyib Şəki şəhər Mədəniyyət evində təşkil olunmuş “Jurnalist” kursunda təhsilini davam etdirib. Peşəkar idmançı Rövşən Həsənov dəfələrlə ölkə çempionatının, müxtəlif turnirlərin qalibi olub. Şəki şəhərindəki “Qafqaz” idman klubunun idarə heyətinin üzvüdü. Alpaqut Turan döyüş sənəti üzrə məşqçi, həm də Alpaqutun Şəki şəhəri üzrə mətbuat katibidi. Rövşən (yarğan) Kutaisi şəhərindəki Dünya Kubokunda ikinci yer tutsa da, məqsədi növbəti Alpaqut üzrə Dünya çempionatında birinci yer tutmaqdı. Uğurlar olsun Rövşən! Mətnlə əlaqəli fotolar:
Alternativ Pisixologiya Departamenti fəaliyyət göstərir.
Hər bir Vətəndaşımızın milli və bəşəri dəyərlərə sahib olması İnsanlığın qorunmasına verdiyi töhfələr Vətən üçün qürur vericidir.“Alternativ psixologiya” XXİ əsrin yeni elmi kimi canlı sistemlərin zaman və məkan daxilində davranışlarının və metamorfozalarının öyrənilməsində yeni imkanlar açır. Tibbi biologiya üzrə elmlər doktoru, professor Y.S.İbadovun tətbiq etdiyi psixoqrafiya metodu (“Metamorfoza səbəbi üzrə iş” metodu) canlı orqanizmlərin faza sistemlərinin tədqiqindən,insanın həyat fəaliyyətini pozan neqativ informasiya mənşəli blokların üzə çıxarılmasından ibarət olub, sonrakı etapda onların korreksiyasını təşkil etməklə insanlığın mənəvi-psixoloji yüksəlişinə xidmət edir. Metodun tətbiqi təbiətlə insan arasında olan qarşılıqlı təsirlərin xarakterini qiymətləndirməyə imkan verərək, təkcə fiziki bədəni deyil, həm də energetik bədənləri təmizləməyə və sağlamlaşdırmağa imkan yaradır.
Oksford Akademiyasıİttifaqının akademiki Yaşar Saday oğlu İbadov “Alternativ Psixologiya” elminin müəllifi olmaqla Azərbaycanımızı layiqincə dünyada təmsil edir. Onun tibb sahəsində insanlarln tibbi-psixoloji sağlamlığının beynəlxalq səviyyədə qorunurması yolunda dünya təbabətinə gətirdiyi elmi yeniliklər və töhfələr qürurvericidir! Qalib Azərbaycanın,doğulduğu Qarabağın azadlığına qovuşması sevincini yaşayan Yaşar həkimnövbəti uğura imza atmışdırşdır.İngiltərəninOksford Akademiyası İttifaqında 7 noyabr 2024-cü il tarixindən Alternativ Pisixologiya Departamenti fəaliyyətə başlayıb.
Departamentin rəhbəri dünya şöhrətli Azərbaycanlı alim, Tibbi-biologiya elmləri doktoru, professor, “Alternativ pisixologiya” elminin müəllifi, Oksford Akademiyası İttifaqının akademiki, “Yay-Osido” İnnovasiya İnkişaf Mərkəzi”-nin təsisçisi və direktoru Yaşar Saday oğlu İbadovdur. O, həm də Beynəlxalq Nobel mükafatı İnformasiya komissiyasının eksperti olmaqla yanaşı, özü də Nobel mükafatı namizədidir.
Orijinal dəsti-xətti olan, elmi nailiyyətləri ölkəmizdə və onun hüdudlarından kənarda uğurla təqdim olunan akademik Yaşar İbadovun Alternativ psixologiya Departamentinin fəaliyyəti ilə bağlı təqdimatı zamanı, nəzəri və praktiki elmi nailiyyətləri və nanotexnologiya ilə hazırlanmış harmonizatorlarının, ixtiralarının, praktik olaraq insanların sağlamlığının qorunmasına verdiyi töhfələr və nəticələr haqqında məlumatları iştirakçılar tərəfindən maraqla qarşılanmışdır.
Akademikin yaratdığı “Alternativ psixologiya”- XXI əsrin elmi kimi Zamanın movcud olan problemlərinin həlli istiqamətində bəşəriyyətə öz töhfəsini verə biləcək informasiya elmidir. Bu elm Təbiət qanunlarına əsaslanaraq İnsanlığa xidmət etməkdədir. Akademik Yaşar Saday oğlu Ibadov dünyanın aparıcı ölkələrindən olan ABŞ, İngiltərə, Türkiyə,Rusiya, Avropa ölkələrinin akademiyalarının fəxri üzvü, Beynəlxalq Sistemologiya Akademiyasının, Ukrayna və Gürcüstanın Milli Elmlər
Akademiyalarının həqiqi üzvü seçilmişdir.
2023-cü ildə Yaşar Saday oğlu İbadov İtaliyanın Roma şəhərində keçirilmiş konqressdə Beynəlxalq Biznes İnstitutunun Azərbaycandakı Ambassadoru təyin olunmuşdur. Elmi nailiyyətləri ölkəmizdə və onun hüdudlarından kənarda uğurla
təqdim olunan azərbaycanlı alim,professor Y.S.İbadovun tibb sahəsində olan elmi yenilikləri yüksək qiymətləndirilmiş və Avroasiya ölkələri üzrə “Enerqoinformasion diaqnostika və müalicə üsulu” adında 29 dekabr 2005-ci il tarixli patent almışdır
№ 006449 (protokol № a 20040215, 21.10.2004-ci il). Metodun tətbiqi bioenergetik matrisanı tədqiq etməkdə və enerqoinformasion gigiyena elmində yeni yollar açır, sağlamlıq proqramının enerqo informasion səviyyədə bərpa olunmasını mümkün edir.Yaşar İbadovun tibb və psixologiya sahəsindəki xidmətləri beynəlxalq aləmdə tanınmışdır. O, dünya tarixində ilk dəfə “Faza Portret” adlanan rəsmlərin yaradılmasına elmi istiqamətdə əsaslanan yeni bir yol açmışdır. Ölkəmizdə və onun hüdudlarından kənarda uğurla təqdim olunan tarixi şəxsiyyətlərin Dədə Qorqud, Nəsrəddin Tusu, Odinin, o cümlədən Nuh peyğəmbərin Faza Portretlərinin müəlifidir. Beynəlxalq təşkilatların yüksək mükafatlarına layiq görülmüş, orijinal dəsti-xəttinin və elmi nailiyyətlərinin əsasında Dədə Qorqudun Faza Portretinın müəllifi kimi, onun tarixi şəxsiyyət olmaqla doğum və ölüm tarixi haqqında informasiyanın dəqiqləşdirilməsi istiqamətində Azərbaycan elminə verdiyi elmi töhfələrinə görə Dədə Qorqud Milli Fondu və “Azərbaycan Dünyası“ Beynəlxalq Jurnalının, Dünya Azərbaycanlılarının qərarı ilə “DƏDƏ QORQUD” Milli Mükafatına layiq görülmüşdür. Avropa tibb assosiyasının 2021-ci ildə dərc etdirdiyi Sokrat Almanax ensiklopedik kitabında Yaşar İbadovun yeni elmi metodologiyası tibb və sağlamlıq yolunda ən yaxşı təcrübə kimi təbliğ edilir və onu “Elm Cəngavəri” adlandırırlar.
Akademik Yaşar İbadov müəllifi olduğu “Alternativ psixologiya” elminin metodologiyası əsasında həm nəzəri, həm də praktik nəticələri ilə İnsanlığın qorunması yolunda İnnovativ İxtiralar yaratmışdır (məs, Yay-Osido adlı ixtiralar toplusu, saat əqrəbinin əks istiqamətində hərəkət edən saatları, harmonizatorları və s.). Bu ixtiralar Avropa keyfiyyət nişanına layiq gğrülmüş və Beynəlxalq Lisenziya verilmişdir. Onun elmi yenilikləri hər bir fərdin, ətraf aləmin, həmcinin təbiətdə harmoniyanın bərpasına xidmət edir! Xoşbəxtliyini insanların sağlamlığna xidmətdə görən Yaşar həkim üçün dünyada ən böyük dəyər İnsanlıqdır! Öz elmi və xidmətləri ilə Dünyada Vətənimizi layiqincə təmsil edən akademik Yaşar Saday oğlu İbadovun uğurları qururvericidir!
Hörmətli akademik Yaşar Saday oğlu İbadovu növbəti uğuru –İngiltərənin Oksford Akademiyası İttifaqında Alternativ Pisixologiya Departamentinin fəaliyyətə başlaması münasibətilə təbrik edirik!
Sağlıqlı, xoşbəxt ömür payınız olsun! Səmərəli fəaliyyətinizdə yaradıcılıq uğurları diləyirik!
Mətnlə əlaqəli fotolar:
Müəllif: Zülfiyyə VƏLİYEVA, Azərbaycan Jurnalistlər Birliyinin üzvü, Respublikanın Əməkdar müəllimi
11 dekabr 2006. … Mən azərbaycanlı olmağımla fəxr edirəm. Avropada inkişaf var, o inkişafın bir parçası olmağa nə var ki… Əsas olan o inkişafın özüdür. Hz. Mövlananın dediyi ki, madam ki,dəniz olmaq istəyirsən qətrəliyi yox et,getsin. Ancaq qəbul etmək lazımdır ki, dəniz olmaq üçün dənizin qətrəyə ehtiyacı var. Avropada mədəniyyət bir dənizdir, hər parça bir dətrə. Qətrə olsa da, olmasa da dənizin dəniz kimi adı var. Ancaq qəbul edək ki, dənizi qətrə meydana gətirir. O dənizdən qətrə-qətrə götürməyi bacarsan əgər,zamanla görərsən ki, o dəniz özü qətrəyə çevrilir. Belə bir əfsanə var: Qaranquşlar qurbağaların səsindən yata bilmir, nəhayət, həmin qurbağaların yaşadığı göldən hərəsi bir qətrə götürməklə həmin gölü qurutmuşlar. Avropa onsuz da bir dənizdi və hər bizim ölkələr kimi ölkələrdən gedən qətrələr özləri də bilmədən o mədəniyyətin inkişafında böyük xidmətləri olur. Ancaq yazıqlar bilmirlər ki, həmin möhtəşəm mədəniyyəti elə onların özləri kimi insanlar qurub. Baxaq ABŞ-a. II dünya müharibəsindən sonra ABŞ dünyanın ıkincı və üçüncü ölkələrindən işçi qüvvələri çəlb etməklə öz inkişafını qurdu. Madam ki, xarici ölkələrdə mədəniyyətə xidmət edirsən, elə qal öz ölkənə xidmət et. Dənizə qətrə olmaq yaxşıdı? yoxsa qətrədən dənizə çevrilmək. Əlbətdə, hər kəs, – təbii ki, səbirli olanlar, millət uğrunda yananlar, əqidəsi olanlar, həyatda yaşamaq üçün anlamlı amalları olanlar- qətrədən dənizə çevrilməyi istərlər. Həyatın bu zaman bir anlam qazanmış olar.
“ADA” Universitetinə Kolumbiya ədibləri ilə görüş keçirilib
Dekabrın 10-da “ADA” Universtetində Kolumbiya Respublikasının Azərbaycan Respublikasındakı fövqəladə və səlahiyyətli səfiri Luis Fernando Quartas Ayalanın iştirakı ilə tanınmış Kolumbiyalı ədiblər- Lauren Mendinueta, Martin Gomez, Carlos Alfredo Betancourtla görüş, “Kolumbiya ədəbiyyatı dünya ilə dialoqda” adlı ədəbi tədbir keçirilib. Görüşdə Azərbaycan Yazıçılar Birliyinin katibi, şair Səlim Babullaoğlu da iştirak edib.
Tədbiri giriş sözü açan Milli Məclisinin deputatı, “ADA” Universitetinin prorektoru Fariz İsmayılzadə qonaqları salamlayıb, keçirilən tədbirin vacibliyini dilə gətirib, Kolumbiya ədəbiyyatının həm Latın Amerikası, həm də ispandilli ədəbi arealda xüsusi və vacib çəkisindən danışıb. Daha sonra isə səfir Luis Fernando Quartasa söz verilib. Cənab səfir ADA Universitetinə minnətdarlığımı ifadə edib, belə bir tədbirin ölkələrimizin mədəni əlaqələrində mühüm rol oynayacağına inamını ifadə edib. Sonra Fariz İsmayılzadənin moderatorlığı ilə tədbir öz işinə başlayıb. Səlim Babullaoğlu “Kolumbiya-Azərbaycan ədəbi əlaqələri: Markesdən başlayan yol, tərcümə məsələləri, perspektivlər” mövzusunda çıxış edib, Markesin Azərbaycan dilinə tərcüməsinin tarixindən, Xose Asunsiyon Silva, Pyedad Bonet kimi Kolumbiya şairlərin yaradıcılığından, ümumiyyətlə Borxes, Lorka, Ximenes, Pas, Xuarros, Vila-Matas, Lyosa və başqa görkəmli ispandilli ədiblərə Azərbaycanda maraqdan söz açıb. Tanınmış şair, esseist və tərcüməçi Lauren Mendinueta Milli və mədəni kimlik haqqında düşüncə vasitəsi olaraq poeziyanın əhəmiyyəti, kolumbiyalı qadın kimliyini müəyyən edən mədəni kontekst, yazıçı və şairlərin ictimai rolu ilə bağlı fikirlərini bölüşüb. Eyni zamanda xanım Lauren görüş iştirakçılarının maraqla qarşıladığı şeirləri oxuyub.
Kolumbiyalı naşir, mədəni işlər üzrə təşkilatçı Martín Gómez İspan-Amerika ədəbiyyatının beynəlxalq bazarlarda təbliği, kolumbiyalı yazıçıların dünya səhnəsində tanıdılması ilə bağlı təcrübələrini bölüşüb. O, yazıçıları yeni regionlara tanıtmaq üçün istifadə olunan mexanizmləri, həmçinin İspan-Amerika ədəbiyyatının qlobal kontekstdə qarşılaşdığı imkanlar və çətinlikləri dilə gətirib.
Kolumbiyalı tanınmış tarixçi və yazıçı Carlos Alfredo Betancourt Valle del Cauca bölgəsinin tarixi qorunması sahəsində fəaliyyətində, tarix və ədəbiyyat mövzusundan danışıb, tarix və yerli biliklərin mədəni kimliyin qorunmasında və gücləndirilməsində oynadığı rolu, yerli hekayələrin kollektiv yaddaşın mühüm tərkib hissəsi olaraq necə xidmət etməsi, bu hekayələrin beynəlxalq səviyyədə tanıdılması yolları problemi ilə bağlı fikirlərini səsləndirib.
Tədbirin sonunda “ADA” Universteti tələbə xidmətləri şöbəsinin rəhbəri, Azərbaycan Yazıçılar Birliyinin üzvü Günel Əsgərovanın moderatorluğu ilə qonaqlar tələbə və müəllim heyətinin çoxsaylı suallarını cavablandırıblar.
9 dekabr 2024-cü il tarixində Sım Kənd Mədəniyyət Evi və Sım Kənd Kitabxanasının birgə təşkilatçılığı ilə Sım Kənd Mədəniyyət Evində Xalq şairi, nasir, dramaturq, publisist, tərcüməçi, ssenarist, Azərbaycan Yazıçılar Birliyinin üzvü, Dövlət mükafatları laureatı Nəbi Xəzrinin anadan olmasının 100 illiyi ilə əlaqədar tədbir keçirilmişdir.
Tədbirdə şairin həyat və yaradıcılığını əks etdirən kitab sərgisi nümayiş olunmuşdur.
SƏLİM BABULLAOĞLU Azərbaycan ədəbiyyatının sərvətidir. Ədəbi mühitdə onun qədər vicdanlı, dürüst, ədalətli, punktual olan çox az sayda qələm adamı tapa bilərsiniz. Səlim bəy o təklərdəndir. Çox sevdiyim şairlərdəndir. Novator şairdir. Ədəbiyyatımızın təbliğində xidmətləri ölçüyəgəlməzdir. Bu gün əziz dostumun, qardaşımın dünyaya gəldiyi gündür. Səmimi-qəlbdən təbrik edir, uzun ömür, can sağlığı, yaradıcılıq sevincləri arzulayıram!
TƏNHA QADIN Hər gün bəxtini danlaya-danlaya soyuq güzgülərin önündə bir qadın durur… Hər gün baxışları güzgü-güzgü addımlayır tənhalığa sarı. Sinəsində qrov bağlayıb yamyaşıl arzuları…
Gecələrin tənhalığında yastığına məktub kimi yazır göz yaşlarını. Gözlərini yumur ki, qarnlıqlar da görməsin həsrətli baxışlarını.
Hər gün onu görənlər “nə gözəldir”-deyəcək. Həsrət alovunda üşüyən ömrünü kimsə görməyəcək…
Yenə səni gördüm, tənha qadın, ürəyi çatladı güzgünün… Barmaqlarımdan damcı-damcı yerə töküldü adın…
“YAZARLAR. az” saytının qiymətli oxucuları, söhbətimizin qonağı tanınmış özbək yazıçısı, Özbekistan Yazıçılar Birliyinin üzvü, Özbekistan Respublikasının müstəqilliyinin 25 illik yubiley medalı, “Möhtərəm qadın” döş nişanı sahiblərindən biri, ondan çox nəsr əsərinin müəllifi Lobar RUSTAMOVAdır.
— Yaradıcı fəaliyyətə marağınız nə zaman başladı və bu yolda sizi ruhlandıran amillər nə idi? Məktəb dərslərində şeirlər və monoloqları ezberləyib, səhnədə təqdim etməyi çox sevirdim. Onlar ruhumda sirli və heyranedicı bir qüvvə oyadırdılar. Nəticədə oxuduğum və ezberlədiyim əsərlərdəki hadisələr, hətta onların müəllifləri – şair və yazıçılar mənim üçün sanki arzu edilməsi mümkün olmayan zirvələr kimi görünürdü. Bundan sonra ürəyimdə bir arzu yarandı: “Mən də bu böyük ustadlar kimi yaza bilərəmmi?” Mən Yangiqurg’on rayonundakı 30 nömrəli ümumtəhsil məktəbində təhsil alırdım. Ana dili və ədəbiyyat fənnindən dərs deyən müəllimim, şair Qozokjon Mahmudov yaradıcı marağımı oyandıran insandır. Ondan şeir və ədəbiyyatın ilk addımlarını öyrəndim. Məktəbimizdə fəaliyyət göstərən ədəbiyyat dərnəyinə qatılır, hər həftə şeirlər yazardıq. Həmçinin “Nihol” qəzetini hazırlayırdıq, orada öz məqalə və yaradıcı işlərimizi çap edirdik. Yadımda, ilk yazdığım şeirim Vyetnam müharibəsi dövrünə təsadüf edirdi. Bir gün müəllimimiz bizə: “Müharibə haqqında şeir yazın”, – tapşırığını verdi. Bu vəzifə yaradıcı fəaliyyətimin ilk addımına çevrildi. Ertəsi gün o şeiri oxumağa başladıqda, müəllimim məni ruhlandırıb dua etdilər. Şeir aşağıdakı kimi başlayırdı:
Yenə bomba, yenə partlayış, Dağıldı neçə evlər. Nə vaxt dayanacaq bu iyrənc müharibə? Qan-qan ağlayan məzlum analar.
Ali məktəbdə oxuduğum illərdə də yaradıcı marağım davam etdi. İnsah yazmağı həvəslə yerinə yetirir, müəllimlərimin təriflərini eşidirdim. Odiljon Nosirov müəllimimdən yaradıcı istiqamətimə çox ruhlanmışam. Xüsusilə, Nuriddin Boboxojaev müəllimim yaradıcı fəaliyyətimlə bağlı qiymətli məsləhətlər verib. Bu gün də Qodirjon Nosirov müəllimimin dəstəyi ilə yaradıcı qanatlarımı davam etdirirəm. Onlardan öyrəndiyim hər bir dərs, hər bir məsləhət mənim üçün ilham və ruhlandırıcı işıq mənbəyinə çevrilmişdir. Atam kimya fənnindən dərs deyirdi və mənim ilk müəllimim də məhz odur. O, bizə: “Kitaba cızma, vərəqlərini qatlama, oxu və qiymətlə,” deyə öyrədirdi. Ailəmizdəki dörd qız da atamızın yolunu izləyib, müəllimlik peşəsini seçdik. Məktəbi qızıl medalla, ali məktəbi isə imtiyazlı diplomla bitirdim. Müəllimliyi yaradıcı fəaliyyətimlə uyğun şəkildə apardım. Mətbuat sahəsində də çalışdım. Yangiqurg’on rayonunun “Məhnət bayrağı” (indiki “Yangiqurg’on həyatı”) qəzetində işləyərək, ustad jurnalistlərdən çox şey öyrəndim. Yaxınlarım, dostlarım və müəllimlərimin etirafları mənə daim güc və ruh verir. Bir sözümə atam mənə yazı maşını almışdı. Rayon, vilayət və respublika qəzetlərində yazılarım çap edilməyə başlayanda, sevincimdən sanki göylərdə uçurmuşam kimi hiss edərdim. O vaxtlar poçt xidməti yaxşı işləyirdi. Yazdıqlarımı əl yazması halında konvertə salıb göndərsəm, vaxtında çatırdı.
— Əsərlərinizdə əsasən hansı mövzuları əhatə edirsiniz? Mən daha çox insanlıq, mərhəmət, yaxşılıq və mənəviyyat kimi yüksək dəyərlər haqqında yazıram. Həmçinin, din və əxlaq, insan olmaq, həyat və zamanın qiymətini anlamaq kimi mövzular da ürəyimə yaxındır. Yaradıcı fəaliyyət vasitəsilə bu mənəvi anlayışları insanlara çatdırmağı öz vəzifəmdən hesab edirəm. Belə yüksək mövzularda yazmaq, ruhu ilhamlandırır, həyatı isə məna ilə doldurur.
— Yeni əsərlər yazarkən sizin üçün hansı mərhələ ən vacibdir? —Ən önəmlisi ideyanın yaranması və onu necə təqdim etmək, hadisəni necə inkişaf etdirmək və nəticəni necə başa çatdırmaqdır. Bu proseslərdə hər addımı düşünərək, planlaşdıraraq və hər tərəfdən hazırlıqlı olmaq vacibdir. Buna görə də mən çox vaxtımı ideya üzərində düşünməyə, onun ən optimal şəkildə ifadə olunmasını təmin etməyə sərf edirəm. Çünki hər bir yaradıcı əsər mükəmməlliyə can atan ağıllı və ürəkdən edilən əməyin nəticəsidir. —Müəllim-şagird münasibətləri haqqında fikirləriniz… —Şansım o oldu ki, məktəbdə də, ali məktəbdə də və iş həyatımda da həmişə yaxşı müəllimlər yanımda oldular. Bir çoxları həyatdan köçdülər, onları yaxşı xatirələrlə xatırlayıram. Həyatda müəllimlərimlə ən azı bir zəng edib hal-əhval tuturam. Müəllim-şagird münasibətləri maddiyyata əsaslanmamalıdır. Həqiqətən səmimi olan, lazım gələndə dəstək verə bilən və çatışmazlıqlarını izah edib yol göstərə bilən müəllim olmalıdır. Mən də bir neçə şagirdimdən «müəllim» kimi tanınmaq eşidirəm və bundan çox məmnun oluram. Lakin bəzən yardıma gəlib sonra tanımayan şagirdlər də olur. Bu münasibətə əsasən, müəllim-şagird əlaqələri həqiqi hörmət və səmimiyyət üzərində qurulmalı, hər bir şagirdin yaradıcı inkişafını dəstəkləməli və onların çatışmazlıqlarını kömək yolu ilə düzgün istiqamətə yönəltmək lazımdır.
—Ədəbiyyatın cəmiyyətdəki yeri haqqında nə düşünürsünüz? —Özbəkistan xalq yazıçısı, söz ustası Abdulla Qahharin belə bir sözü var: «Ədəbiyyat — atomdan güclüdür…» Həqiqətən də ədəbiyyatın cəmiyyətdəki yeri çox böyükdür. İnsan özlüyünə çata bilmək, kamilliyə və mənəviyyata nail olmaq üçün əlbəttə ki, ən vacib tərbiyə vasitəsi olan ədəbiyyat lazımdır, kitab lazımdır. Onunla dünyamız manqurtlarla dolardı. Ədəbiyyat sayəsində dünya daha da gözəldir. Ədəbiyyat, öz növbəsində, insanların ruhunu ucaldır, onları həqiqi dəyərlərə çatdırmağa yönəldir. Beləliklə, ədəbiyyat yalnız dilin deyil, həm də ürəyin güclü qüvvəsidir.
—Əsərlərinizin bir çox xarici nəşrlərdə çap edilməsi, yaradıcı fəaliyyətinizə necə təsir etdi? —İnsanın həyatında yaxşı və pis günlər olur, əlbəttə. Bir-birini izləyən kədər, ayrılıqlar, narahatlıqlar insan ruhunu dərinliyə aparır. Mənim başıma gələn çətinliklərdə, yaxşı ya pis, yaradıcı sevgim, əlindəki qələmim məni xilas etdi desəm, düzgün olar. Ailəm, övladlarım — həyatımın mənası, bəxtim olduğu kimi, yaradıcı fəaliyyətim də məni irəliləməyə, təslim olmamağa səsləyən və həmişə çağıran “İŞIQLI NUR!” Bir vaxtlar dünya şairlərinin əsərlərini oxuduğumda həsəd aparmışdım. Bu gün isə, ucqar bir kənddə yaşayaraq yaradıcı fəaliyyət göstərən birinin yazdığı əsərlərin xarici nəşrlərdə çap edilib, dünya üzünü gördüyünü görərək, arzularımın həyata keçdiyini hiss edirəm. Bu isə mənə daha çox ruh verir, daha çox, daha yaxşı axtarışlar etməyə, yaradıcı işlər görməyə təşviq edir. Beləliklə, hər bir çətinlik və yolun maneələri mənim yaradıcı yolumu yeni üfüqlərə apardı və mən bundan daha böyük güclə irəliləməyə davam edirəm.
—Azərbaycan ədəbiyyatından kimləri oxumusunuz? —Azərbaycan ədəbiyyatına marağım və sevgim böyük mütəfəkkir Nizami Gəncəvinin şah əsərlərini oxumaqla başladı. Bu böyük mütəfəkkirin yaradıcı fəaliyyəti mənim üçün Azərbaycan ədəbiyyatına geniş yol açdı desəm, yanılmaram. Onun əsərləri vasitəsilə ədəbiyyatın son dərəcə böyük qüdrətini, insan ruhunu yaxşılığa və həqiqətə yönəldən ilahi qüvvəsini hiss etdim. Sonra Samad Vurğunun duyğusal şeirləri və Mirzə Fətəli Axundovun dram əsərləri ilə tanış oldum və Azərbaycan ədəbiyyatının sosial-siyasi və insanpərvərlik dəyərlərini daha dərindən anladım. Bəxtiyar Vahabzadənin Vətənə və sevgiə həsr edilmiş şeirləri, Anarın müasir qəhrəmanlıq ruhunu əks etdirən əsərləri və Nəbi Hazrinin ürəklərə nur bəxş edən yaradıcılığı mənim üçün xüsusi əhəmiyyət kəsb etdi. Azərbaycan ədəbiyyatı — dünya mədəniyyətində özünə xüsusi yer tutan, insanlığın mənəviyyatının ən yüksək tərəflərini əks etdirən ədəbiyyatdır. Onun hər bir səhifəsi bizə həyat həqiqətləri və sonsuz ilham mənbəyini çatdırır.
—Yaradıcı yolunuzda qarşılaşdığınız ən böyük çətinliklər və onları necə dəf etdiniz? —Ən böyük çətinlik — vaxt, imkan və şərait məsələsidir. Əslində, gündəlik həyatın çətinlikləri və şəxsi məsuliyyətlər çox vaxt qadını yaradıcı fəaliyyətlərdən uzaqlaşdırır. Lakin, ona müəyyən vaxt və uyğun şərait yaradıldıqda, qadının ürəyindən çıxan duyğular və fikirlər özünəməxsus və təbii şəkildə, yaxşı yazılır.
—Bugünkü ədəbiyyat proseslərini necə qiymətləndirirsiniz və inkişafı üçün nə etmək lazımdır? —Hazırki əsərlərimiz də dünya ədəbiyyatına layiqli töhfə verərək böyük inkişaf əldə etməkdədir. Lakin, ədəbiyyatımızın bütün dünyaya çatdırılmasında əsas rol tərcümə yolu ilə həyata keçirilir. Bu baxımdan tərcüməçilərimizin sırasının genişlənməsi və onların peşəkarlığının artması vacibdir. Bu yalnız özbək ədəbiyyatına, həmçinin özbək dilinin dünya miqyasında nüfuzunun daha da möhkəmlənməsinə xidmət edər. Dilimizi və ədəbiyyatımızı xarici dilləri dərindən bilən gənc tərcüməçilər vasitəsilə dünyaya tanıtmaq böyük imkanlar yaradır. Özbək ədəbiyyatının dünya səhnəsindəki yeri və mövqeyi məhz bu tərcüməçilərimizə bağlıdır.
—Yaradıcı həyat və şəxsi həyat arasında necə bir balans saxlanmalıdır? —Şəxsi həyat və yazdıqlarının arasında ziddiyyət, yəni insanlıq haqqında yazıb, özünün praktik həyatında insanlıqdan uzaq olmaq, yaradıcı insan üçün ən böyük səhv və ağrıdır. Yaradıcı insanın həqiqi mənada yaradıcı həyatı yazdıqlarına uyğun olmalı, onun qəlbinin həqiqi hissləri, arzu və istəkləri əks etdirməlidir. Hansı vəziyyətdə olursa-olsun, yaradıcı insan müvazinəətli, səmimi və yaxşı əxlaq sahibi olmalıdır. Bu əxlaq onun yazdıqlarında aydın şəkildə görünməli və yaradıcılığına dərin mənalar verməlidir. Əgər yaradıcı insan özünə xas insanlıq və ədalətdən məhrum olarsa, onda onun yaradıcılığı həqiqi insanı tərənnüm etməyə qadir olmaz. Buna görə də yaradıcı həyatın insanın özünə aidliyini itirməməsi çox vacibdir. Onun yazdıqları öz qəlbinin ifadəsi olmalı, daxili aləmini və əxlaqını dünyaya təqdim etməlidir. Yaradıcı insanın həyatı və yaradıcılığı arasındakı düzgün balans isə həqiqi insanlıq və insanpərvərlik prinsipinin qorunmasında əsasdır.
—Maraqlı və məzmunlu söhbətiniz üçün təşəkkür edirik!**
Söhbətləşdi: Cahangir NAMAZOV “YAZARLAR” jurnalının redaksiya heyətinin üzvü, Özbəkistan üzrə təmsilçisi.
Nəşr olundu: Əlif Burxes Tərcumə: Nəriman Əbdülrəhmanlı نشر اولوندو : الف حکایه مجموعهسی خورخه لوئیس بورخس ترجمه : نریمان عبدالرحمانلی کؤچورن :ائلیار پولاد انتشارات سونا سونا نشریاتی رقعی / جلد شومیز 120 صفحه 1000 تیراژ چاپ 1403 قیمت : 150000 تومن ساتیش مرکزلری: سونا انتشاراتینین دفتری 09143318401 آنلاین کتابچی
کیتاب آل
آذر کیتاب
ادبیات بیزی یاشاییر ، بیز ادبیاتی
20 عصر سؤز صنعتینه ان سانباللی يئنیلیکلر گتیرن قلم صاحبلری آراسیندا خ.ل.بورخسین آدی همیشه اؤن سیرالاردا چکیلیر. او، ایسپان دیلینین شرفینی، آرژانتین و لاتین آمریکاسی ادبیاتینین لياقتینی قوروماغی باجاران سؤز اوستالارینداندیر. اوزون مدت وطنینده بئله او قدر تانینمايان، حتی جدی قبول اولونمايان يازیچی، اثرلرینین آوروپايا آياق آچماسیندان سونرا شهرتین زیروهسینه چاتدی: آرتیق ایری نشریاتلار بورخسین کتابلارینی چاپ ائلهمک اوچون دریدن- قابیقدان چیخیردی، اونون يارادیجیلیغی بارهده مونوقرافیالار يازیلیردی. بورخس ایسه هئچ واخت شهرته آلدانمايیب، همیشه اؤز يارادیجیلیغینداکی اؤلچولری قورويوب ساخلاماغی باجاریب. بورخسین حکايه- نووئلالاریندا باشقا بیر آنا خط گؤندریلن، گلیب چاتان يازیلار و همین يازیلارین اوخونوشودور.
Çox da şux görünür kölgəm, Tez aldanmaq olur ilk təəssürata. Əslində bir az kefim yoxdur, bir az imkanım sərçələrin səsinə diqqət kəsilməyə… Bəllidir kim necə yeyir başqalarının haqqını
Bir az da yorğunam soyuq bir qış günü, Vaxtın kədərini yaşayıram xəzrinin uğultusunda. Öz dərdləri olmasa yan keçən adamlar elə də biganə deyil başqalarının ağrısına. Sınaq zamanıdır yenə hər gün olduğu kimi çətin və cansıxıcı…
Nə çətinliklərdən usandı ömür, nə də mən sevinə bildim bəsit yenilgilərə. Yıxılanı seyr etməyin ölüsüyük biz, ayaq üstə öz gücünə tutunub qalanları diri görmək istəmədiyimiz kimi… Oysa ki, yaşamağa hər kəsin haqqı var.
Dönə-dolana öyrənmək olmur həyat dərsini, Bilmədiyim yerdən düşdü yenə suallar həyat imtahanında… Dəngələrin pozulduğu məqam… Kəsilməklərin ən yaxşısıdır bu, nəinki qurbanlıq kimi gözləmək ölüm anını. Çox da şux görünür siluetləri çinarların…
