Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
8 noyabr 2023 – Xankəndi şəhəri.
Aylıq arxivlər: Noyabr 2023
8 noyabr – əlamətdar gün.
Bu gün – 8 noyabr Prezident, Ali Baş Komandan cənab İlham Əliyevin mərhum valideynlərinin – ulu öndər Heydər Əliyevlə akademik Zərifə xanım Əliyevanın toy günü imiş.
Prezidentin bacısı Sevil xanım Əliyeva bildirib ki, Şuşanın azad edilməsi ilə bağlı Ali Baş Komandanın 8 noyabrda xalqa müraciətini heyranlıq hissi ilə dinləyib:
“İnanılmaz sevinci mən həm də ona görə yaşayıram ki, bu gün bizim ailəmiz üçün də özəldir. Bu gün bizim valideynlərimiz – Zərifə və Heydər Əliyevlərin toy günüdür.
Və mən qardaşım, Prezident İlham Əliyevə sonsuz minnətdaram ki, bu müqəddəs günü bizim üçün belə bir möhtəşəm hadisəylə – Şuşanın azad edilməsi ilə qeyd etdi.
Mənbə: Seyfəddin Hüseynli
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“QARABAĞ AZƏRBAYCANDIR”!
“QARABAĞ AZƏRBAYCANDIR”!
(ALİ BAŞ KOMANDAN İLHAM ƏLİYEVİN SÖZLƏRİ ƏSASINDA ZƏFƏR ŞEİRİ)
“Lap axıra kimi qovuruq sizi”.
Qalmasın bu yerdə hayların izi.
Kor ol günahına, kor ol nəfsinə,
Çaqqalı məhv edər qurdun gəlişi.
“Biz təmas xəttini yarıb keçmişik,”
“İradə göstərib güc göstərmişik.”
“Düşmən kimdir axı bizə şərt qoya?”
Bu vətən uğruna biz and içmişik!
“Sən ki Cəbrayıla bir yol çəkirdin,”
“Şuşada parlament bina tikirdin.”
“Nə oldu, Paşinyan?
-Cəhənnəm oldu”
Dünyanın önündə diz çöküb durdun.”
“Qarabağ əzəli bizim torpaqdır!”
“İşimiz sərhəddi bütöv qurmaqdır.”
“Biz haqq yolundayıq, əbədi birik!”
Unutma:”Qarabağ Azərbaycandır!”
Müəllif: Cəvahir TANRIVERDİ
CƏVAHİR TANRIVERDİNİN YAZILARI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ASK Arenada “İrəvan” Futbol Klubunun tədbiri
ASK Arenada “İrəvan” Futbol Klubunun tədbiri
Bu gün ASK Arenada “İrəvan” Futbol Klubunun idarə heyətinin sədri Zülfüqar Kazımov komandanın köməkçi məşqçisi Samir Ələkbərovun 55 illik yubileyi münasibətilə keçirilən tədbirdə iştirak edib.
Zülfüqar Kazımov ən əvvəl
8 noyabr zəfər günü münasibətilə başda Ali Baş Komandan İlham Əliyev olmaqla Azərbaycan xalqını və Müzəffər ordumuzu təbrik edib. Natiq sonra yubilyarı “İrəvan” Futbol Klubunun idarə heyəti və kollektivi adından təbrik edib,ona məşqçilik fəaliyyətinizdə uğurlar. arzulayıb,klubun fəxri fərmanını ona təqdim edib.
Klubun ptezidenti Zahid Niyazəliyev, vitse-prezident Həsən Həsənov, baş məşqçi Nazim Süleymanov çıxışlarında
Samir Ələkbərovun Azərbaycanda gənc futbolçu nəslinin yetişməsində xidmətlərindən bəhs edib onun hal-hazırda “İrəvan” Futbol Kulubunda da məşqçi kimi fəaliyyət göstərməsini və klubun qısa bir zamanda qazandığı qələbələrin əldə olunmasında əməyinin böyük olduğunu vurğulayıblar
Sonda çıxış edən yubilyar ona göstərilən diqqətə görə klub rəhbərliyinə təşəkkür edib.
Mübariz Ağaxan oğlu Süleymanlı,
“İrəvan”FK-nın Mətbuat Xidmətinin rəhbəri.
MÜBARİZ SÜLEYMANLINLN YAZILARI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Zaur Ustac – Azərbaycan
VƏTƏN
Adəmi dünyaya bəxş edən, Vətən,
Doğmalar içində yada dönmüsən.
Dünyanın bağrında qoca vulkantək,
Hərdən kükrəmisən, hərdən sönmüsən.
***
Kiminə yol oldun, kiminə qapı,
Nadirtək nadirin anasısan sən!
Uca Yaradanın sənət əsəri,
Zərdən imə-ilmə hanasısan sən!
***
Dahi Nəsiminin şanlı vətəni,
Dərin dühaların uca yurdusan!
Qılıncı, qələmi qoşa qanadtək,
Daim hazır olan qoca ordusan!
***
Kimi iki deyir, kimi dörd deyir,
Min dəfə yüz yerə bolunmusən sən!
Paramparça olub, tikə-tikədir,
Vətənim içində boğulan Vətən…
***
Bizi diri tutan əcdadın ruhu,
Nabatdan, şəkərdən şirin dilimdir.
Tarixin özüylə el-el gəzdirən,
Törəsin şah bilən ulu elimdir.
***
Tomrisin andını andımız bilək,
Adəmdən bu yana ulum bir çətən!
Tarixdən dərs alaq, ibarət götürək,
Bir daha, ta dara düşməsin Vətən!
12.11.2021. Bakı.
Müəllif: Zaur USTAC
AYB və AJB-nin üzvü, “Yazarlar” jurnalının baş redaktoru, şair-publisist, tərcüməçi-nasir
Oxuyun >> Gözündə tük var
Zaur Ustacın şeirləri haqqında
“Yazarlar” jurnalının noyabr – 2023 N: 11 (35) – ci sayı işıq üzü görüb.
“Yazarlar” jurnalının noyabr – 2023 N: 11 (35) – ci sayı işıq üzü görüb. Zəfər Günümüz mübarək olsun !!!
“YAZARLAR”JURNALININ NOYABR – 2023 N: 11 (35)-Cİ SAYI -PDF: yazarlar-35
MƏLUMATI HAZIRLADI: TUNCAY ŞƏHRİLİ
VAQİF POEZİYA GÜNLƏRİ 2023
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Cahan” körpələr evi və uşaq bağçasını Yasamal filialında Zəfər Günü münasibətilə təşkil olunmuş tədbir keçirilib.
07.11.2023- cü il tarixində Bakı şəhərində “Cahan” körpələr evi və uşaq bağçasının Yasamal filialında Səbinə xanım Rəhimovanın təşkilatçılığı ilə Zəfər Günü ilə bağlı tədbir keçirilib. Tədbirdə balacaların Zəfər Günü münasibətilə hazırladığı əl işləri sərgilənib. Uşaqlar eyni zamanda tək və ya böyüklərlə birlikdə şeir deyib, mahnı oxuyub , rəqs ediblər. Olduqca maraqlı keçən tədbirin gedişində “Vətən məndən başlayır” adlı yaradıcılıq müsabiqəsinə qatılan iştirakçıların fəaliyyəti münsiflər heyəti tərəfindən qiymətləndirilib. Tədbirdə valideynlər və digər qonaqlarla yanaşı qazilər Vüsal Bayramov, Tural Quliyev, uşaqlar üçün gözəl şeirlər yazan tanınmış qələm adamları Zaur Ustac, Aysel Fikrət, ibtidai təhsil üzrə ekspertlər Böyükağa Mikayıllı, İlhamə Axundova, filoloq Maral Vəliyeva münsif qismində iştirak ediblər. Sonda diplomlar təqdim olunub, xatirə şəkilləəri çəkdirilib. Tədbirdən fotolar:
Zəfər Günümüz mübarək olsun!!!
MƏLUMATI HAZIRLADI: TUNCAY ŞƏHRİLİ
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Mahirə Nağıqızı – Gəlibdir
Gəlibdir
Gözün aydın, qəddi uca millətim,
Böyük oğlun əl sıxmağa gəlibdir.
Yuxu oldu zülümlərin, illətin,
Toy-düyündür, el baxmağa gəlibdir.
Ağdam yolu tikan idi, kol idi,
Xalqımızın ümidləri bol idi.
Heydər baba, sən saldığın yol idi,
Yadigarın dağ çıxmağa gəlibdir.
Quruyacaq axan qanın, şəhidim,
Sənə qurban olsun canım, şəhidim!
Yaşayacaq adın-sanın, şəhidim,
Komandanın daş qoymağa gəlibdir.
Yüz-yüz ildir hanı sənin itənin,
Kədər olub, qəm olubdur bitənin.
Millət, özü gəldi haya yetənin,
Yazdığına qol qoymağa gəlibdir.
Əsrlərdir bura ərlər yaylağı,
Olacaqdır ləvin-ləvin növrağı.
Baş Komandan o bəxtəvər bayrağı,
Xankəndində ucaltmağa gəlibdir.
15.10.2023. Novxanı.
Müəllif: Mahirə NAĞIQIZI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Rahilə Qaralova – Danışan fotolar
Dəyərli sairimiz Rahilə QARALOVA
>>>> ƏN ÇOX OXUNAN HEKAYƏ <<<<
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
Kəmalə Abıyeva: – MƏNİ BAĞIŞLAMA!
MƏNİ BAĞIŞLAMA
Nə olsun qayıtdım, əlindən tutdum
Nə olsun ki sənə”bağışla” dedim.
bağışlama məni, qurbanın olum,
Məni bağışlama, qoy çıxım gedim.
Baxma sevgi dolu baxışlarınla,
Mən sənin dünyanı yıxıb getmişəm.
Sən həsrət qaldığın baxışlarıma
Özgə bir həsrəti yığıb getmişəm.
Sənin üzündəki qəmin izləri
mənim üzümdəki qəmdən dərindi.
Ağarmış saçların, nəmli gözlərin
Qatili olduğum ayın – ilindi.
Ömründə yer vermə, indi sən məni
ölən arzuların qoy arasına .
Mənim öz dünyam var qoy çıxım gedim,
gedim xəyalların xarabasına.
Bağışlama məni, başına dönüm,
Bir də bu yaralar köz bağlamaz ki.
qoy öz günahımın oduna yanım,
cəzam günahımdan ağır olmaz ki…
Ömrün baharı da qarlı qış oldu
Bir də o bahara dönə bilmərik.
Bağışlama məni, qurbanın olum,
biz xoşbəxt hekayə yaza bilmədik.
Müəllif: Kamalə ABİYEVA
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru