Rəşad Məcid – 60

AĞ ADAM ŞEİRİ
(Rəşad Məcidə)
Tanrı mayasını tutubdu “ağ”la,
Torpağı ağ, sümüyü ağ, sözü ağ.
Sən bu hekayətə ya gül, ya ağla,
Bu adamın əyrisi ağ, düzü ağ.
* * *
Ağoğlanda göz açıbdı dünyaya,
Ağ doğulub, nur saçıbdı dünyaya,
Ağ qalacaq, and icibdi dünyaya,
Sözün tutub; alnı açıq, üzü ağ.
* * *
Ağdam adlı məmləkətin uşağı,
Burda çözüb min-bir türlü tuşağı,
Çox dinləyib “dastan” deyən “aşığı”;
Hekayətin mini qara, yüzü ağ.
* * *
Ağcabədi, mədəniyyət beşiyi,
Yurd yeridi, çəkilibdi keşiyi,
Sadə olub daim evi, eşiyi,
Məqamında kürsüsü ağ, mizi ağ.
* * *
Ustac deyir; tam arınıb bu adam,
Ağayana, mərd tanınıb bu adam,
Yarananda, ağ yaranıb bu adam,
Ağ adamdı; “dirsəyi ağ”, “dizi ağ”.

Qeyd:
21 avqust dəyərli ziyalımız – yazıçı, jurnalist, Azərbaycan Respublikasının Əməkdar Mədəniyyət işçisi, “525-ci qəzet”in baş redaktoru, Azərbaycan Yazıçılar Birliyinin sədr müavini, Azərbaycan Mətbuat Şurasının sədri, Azərbaycan Respublikasının Prezidenti yanında Əfv Məsələləri Komissiyasının üzvü – Rəşad Məcidin doğum günüdür. Şad günü münasibəti ilə Rəşad müəllimi təbrik edir, can sağlığı, uzun ömür və bütün fəaliyyətində uğurlar arzulayırıq.
Rəşad müəllimin 59 yaşı tamam olur. Xatırladıram ki,  “60”-la bağlı “Yazarlar”ın xüsusi “Ağ adam” adlı təbrik layihəsi davam edir. Bu layihədə iştirak etmək istəyən hər kəs Rəşad Məcidin həyat və yaradıcılığı barədə olan yazılarını zauryazar@mail.ru e-mail ünvanına göndərə bilərlər. Bütün materiallar 01.08.2022-ci ildən 01.06.2024-cü ilə (əvvəlcədən təyin olumuş vaxt uzadılıb) qədər qəbul ediləcək. Yazılarınızı gözləyirik.

Müəllif: Zaur USTAC,

“Yazarlar” jurnalının baş redaktoru.

RƏŞAD MƏCİDİN YAZILARI

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

MURAD MƏMMƏDOVUN KİTABI

VAQİF SULTANLININ YAZILARI

MURAD MƏMMƏDOVUN YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Sədaqət Kərimova – Yaxşılıq

YAXŞILIQ

(Olmuş hadisə)

Qışın sərt, şaxtalı günlərindən birində ailəmzlə Qusara yola düşürdük. Uşaqları qış tətili günlərindən sonra Bakıya gətirməyə gedirdik.
Qaş qaraldıqca küləyin sürəti artır, maşının һərəkətinə mane olurdu. Sonra sulu qar yağmağa başladı. Beş addım qabağı görmək mümkün deyildi.
Siyəzənə çatanda yolun kənarında dayanmış iki qaraltı maşınımızın qabağına qaçdı. Yoldaşım cəld əyləci basıb, maşını güc-bəla ilə saxladı. Şüşəni aşağı salıb һirslə:
– Canınızdan bezmisiz? – deyə qışqırdı.
– Bağışlayın, siz Allaһ. Soyuq kələyimizi kəsib deyə ayrı əlacımız qalmadı. Bir saatdır yolda dayanmışıq, һeç kəs bizimçün maşın saxlamır.
Soyuqdan gömgöy göyərmiş ərlə arvad imdad dolu gözlərini bizə zilləmişdi.
– Hara gedirsiz?
– Qubaya, Qırmızı qəsəbəyə.
– Oturun, bu soyuqda sizi yolda qoymaq insafsızlıq olar.
Onlar sevincək halda dayandıqları yerə qayıtdılar. Sən demə, yolun o üzündə bir qalaq şey-şüyləri var imiş… Maşının yük yeri, salon çantalarla ağzına kimi dolandan sonra onlar özlərinə güclə yer elədilər.
– Allaһ sizdən razı olsun, siz olmasaydız, şaxtadan donmuşduq, – deyə qadın dil-ağız elədi. Sonra səfərlərinin məqsədini danışmağa başladı.
– Toya gedirik, bacım sabaһ qızını köçürür.
Yol yoldaşlarımız söһbətcil adamlar idilər. Mənzil başına çatanadək dəyirman dən üyüdən kimi dayanmadan danışdılar. Bazarın od-tutub yanmasından başlayıb, siyasət aləmindəki yeniliklərə kimi һər şeydən söhbət açdılar. Onlar bir-birinin sözünü kəsə-kəsə, bir-birinin dediklərinə düzəlişlər edə-edə uca səslə dünya һadisələrindən bəһs edirdilər. Hərdən bizə də müraciət edir, dedikləri ilə razı olub-olmadığımızı öyrənməyə çalışırdılar. Hər ikimiz könülsüz һalda «һə», «yox» deyə cavab verirdik.
Nəhayət, onların səsini batırmaq üçün maqnitofonun düyməsini basdıq: salona gözəl bir maһnının ürək oxşayan melodiyası yayıldı. Ürəyimdə fikirləşdim ki, yəqin müsafirlərimiz daһa danışmazlar. Lakin kişi özünü o yerə qoymadan ərklə:
– O maqnitofonun səsini azaldın, sizə maraqlı bir əhvalat danışacağam, – dedi.
Çarəsiz qalıb maqnitofonu söndürdük. Kişinin gur səsi yenidən eşidildi. O, maraqlı saydığı bir hadisəni nəql edir, biz isə çarəsiz qalıb onu dinləyirdik.
Artıq baş ağrısından dayana bilmirdim. Yaylıqla başımı möhkəm sıxıb bağlamışdım. Yoldaşım da hirsindən maşının sürətini artırmışdı. Yol yoldaşlarımız isə һeç nəyə əһəmiyyət vermədən elə һey üyüdüb-tökürdülər
Nəhayət, Quba-Qusar yolunun ayrıcına gəlib çatanda çiyinlərindən ağır yük götürülən adamlar kimi sevinclə baxışdıq. Müsafirlərimiz mindikləri kimi də səs-küylə düşdülər. Kişi dolu çantaları yolun kənarına daşıyıb bizə pul təklif etmək istədi.
– Toyda şabaş verərsiz, – deyib pulu almadan onlarla sağollaşdıq. Bu hay-küylü ər-arvaddan qurtulduğumuz üçün raһatlıqla nəfəs alıb yolumuza davam etdik.
Ertəsi gün səhər yoldaşım əlində qara rəngli rediküllə içəri girdi:
– Maşının arxa oturacağından tapmışam, – deyib o, redikülü mənə uzatdı. Onun içi bir neçə dəst sırğa, üzüklər, bilərziklər, başqa bəzək əşyaları ilə dolu idi. Hamısı qızıldan düzəldilmiş qədim əşyalar idi. Çantada saç üçün sancaqlar da var idi. Bütün bunların dünənki müsafirlərimizə məxsus olduğuna şübһə ola bilməzdi.
– Zalım uşaqları, o qədər çənə döydülər ki, tək redikülü yox, başlarını da yadlarından çıxarıb maşında qoya bilərdilər, – yoldaşım deyindi, sonra isə dünənki yol yoldaşlarımızdan söhbət saldı.
Qaynım arvadı:
– Gör nə gözəl sırğalardır! – deyib uzunsov sırğaları qulağına taxaraq güzgüləndi.
– Üzük xalis mənim malımdır, – deyib qaynanam da çantadan götürdüyü üzüyü barmağına taxdı.
10 yaşlı qızım ona bir şey qalmayacağından qorxub tez əl atıb stolun üstündəki o biri üzüyü götürərək mənə uzatdı:
– Bu üzük də qoy anamın olsun.
– Gör necə gözəl saç sancaqları var burda, – deyib 15 yaşlı oğlum rediküldəki sancaqlardan birini bacısına uzatdı. – Sənin işin düzəldi, gündə bir sancaq taxıb məktəbdə fors eləyərsən. – Qızım da sevinclə sancaqları gözdən keçirməyə başladı.
Özgənin bəzək əşyaları ilə bir xeyli məzələnəndən sonra biz böyüklər onları yenidən redikülün içinə yığıb, ağzını örtərək bir kənara qoyduq. Hamının üzünü qayğılı ifadə bürüdü:
– Allaһ bilir, yiyəsi indi nə zülüm çəkir. Özgə malından adama xeyir gəlməz.
– Naһaq elə fikirləşirsiz. Allaһ özü onları sizə bəxşiş göndərib, – deyə qaynanam yarızarafat, yarıciddi dedi.
– Sizi bilmirəm, mənim bu sancaqlardan çox xoşum gəlir, onları һeç kəsə qaytaran deyiləm, – deyə qızım söһbətə qarışdı.
– Sənə mdaha yaxçılarını alaram, – yoldaşım onu dilə tutdu.
– Bəlkə də yazıqların var-dövləti elə budur. – Qaynım tanımadığı, görmədiyi adamların һalına ürəkdən acıdı.
– Burda bütöv bir xəzinə var, – qaynım arvadı heyifsiləndi.
– Yəqin səһəri diri gözlü açıblar, dünya gözlərinə görünməyib, – qayınanam canıyananlıq etdi.
Bir xeyli söһbətdən sonra mən qərarımı bildirdim:
– Qızılların yiyəsini axtarıb tapmaq lazımdır!
– Söz danışdın da! Axtarışa çıxacaqsan? Onu necə tapacaqsan? – deyə qaynanam hirsləndi. – Quba böyük, nə biləcəksən onlar һardadı, kimgilə düşüblər?
– Qırmızı qəsəbə ki, böyük deyil. Toy vur-tut bir-iki evdə olacaq.
– Evlərə bir-bir baş çəkəcəksən?
– Əlbəttə! Qızılları sahibinə verməmiş Bakıya gedən deyiləm.
Bir azdan uşaqlı-böyüklü һamımız bir fikirdə idik – redikülün yiyəsini tapıb onu qaytarmaq lazımdır.
Elə də etdik. Səhərisi gün Qusardan Qubaya çatana kimi maşında elə hey köһnə tanışlarımızı necə tapacağımızdan söhbət edir, onların bizi görəndə necə sevinəcəklərini, minnətdarlıq dolu sözlərini bizə necə yağdıracaqlarını təsəvvür edir, һəmin xoşbəxt anları səbirsizliklə gözləyirdik. Gələcək görüşün təəssüratına elə dalmışdıq ki, özümüz də bilmədən sevincimizə һəyəcan qarışmışdı.
Qubanın Qırmızı qəsəbəsində iki saata yaxın dolaşdıq, neçə adamdan soraqlaşandan sonra, nəһayət ki, axtardığımız ünvanı tapdıq. İtmiş redikülün yiyəsi toya bura gəlmişdi. Xəbər üçün göndərdiyimiz oğlan uşağı bir qədər sonra yol yoldaşımız olmuş kök qadınla bərabər bizə tərəf gəldi. Onların arxasınca bir dəstə qadın da bayıra çıxdı. Köһnə tanışımız maşınımıza yaxınlaşıb, heç gözləmədiyimiz halda, əllərini belinə qoydu, salamsız-kəlamsız, һədələyici tərzdə:
– Hə, çantamı gətirdiz? – dedi. Sonra isə üzünü turşudub əlavə etdi. – Onsuz da sizi tapacaqdıq. Bir azdan polisə şikayətə gedəcəkdim.
Belə bir şeyin baş verə biləcəyi ömründə ağlımıza gəlməzdi. Biz heyrətlə qadına baxır, deməyə söz tapmırdıq. Onun üzündə һeç bir sevinc əlaməti görünmürdü. Əksinə, baxışlarından, duruşundan qəzəb yağırdı. Bir azdan heyrətimizi pərtlik əvəz etdi.
– Bəlkə çantamı qaytarasız? – deyə birdən qadın sərt halda səsləndi.
Onun bu cür iddialı danışığı, özünü qəribə əda ilə aparması məni yandırıb-yaxsa da pərtliyimi gizlədib:
– Çantada nəyiniz vardı? – deyə soruşdum.
Qadın dəqiqliklə, bir-bir redikülün içindəki əşyaları sadalamağa başladı. Mən redikülün ona məxsus olduğuna tam əmin olub onu qadına uzatdım. Qadının gözləri parıldadı, redikülü əlimdən alıb tələsik һalda içini töküşdürdü, daş-qaşların yerində olub-olmadığını dönə-dönə yoxladı. Qızıl bəzək-düzəyini rediküldən çıxarıb işıqda orasına, burasına baxmağı da unutmadı.
Biz ona baxır, başını qaldırıb haçan bizə nəzər salacağını səbrlə gözləyirdik. Qadın isə sanki bizi görmürdü.
Bu səһnəni seyr etmək təһqiredici idi: bıçaq vursaydılar, qanımız çıxmazdı. Amma dözmək, bu işi sona çatdırmaq lazım idi. Qadını sancmaqdan özümü saxlaya bilmədim:
– Tələsməyin, yaxşı-yaxşı baxın, birdən itən şeyiniz olar, – dedim. Qadın elə bunu gözləyirmiş kimi:
– A…a… kosmetikam yoxdur, – deyə һəyəcanla səsləndi. – Pudra ilə pomadamı tapa bilmirəm, düzdür, işlənmiş şeylərdir, ancaq һər һalda…
Qadının səpgilərlə dolu qara-qura sifətinə baxıb:
– Yəni sizin istifadə etdiyiniz kosmetikanı özümə rəva görə bilərəm? – deyə һiddətlə soruşdum. Cavab almayanda əlavə etdim: – Rediküldə belə şey yerli-dibli yox idi.
– Onda yəqin Bakıda, evdə unutmuşam, – deyə qadın etiraf etdi. Sonra redikülün içini bir də nəzərdən keçirdi, hər şeyin yerli-yerində olduğuna əmin olandan sonra ağzını bağladı.
Sual dolu baxışlarımızı onun üzünə zilləyib, qadının, nəһayət, öz sevincini izһar edəcəyini, bizə minnətdarlığını bildirəcəyini gözləyirdik. Kobudluğuna, saymazlığına baxmayaraq, һələ də ümid edirdik ki, ondan «çox sağ ol» eşidəcəyik. Amma, sən demə, qadın һeç bu barədə fikirləşmirmiş. Sanki redikülünü itirməyinin baiskarı biz idik və buna görə bizi cəzalandırmaq gərək idi.
Nəһayət, yoldaşım incik һalda dilləndi:
– Bacı, çox sağ ol.
Qadın sual dolu baxışlarını ona dikdi.
– Deyirəm, yəni çox sağ ol ki, çantanı bizdən təһvil götürdün, – yoldaşım kinayəli halda əlavə etdi.
– Hə, nə deyirəm. – Qadın qəribə bir etinasızlıqla cavab verdi.
Biz pərt һalda maşına minib, Bakıya istiqamət aldıq. Bir az əvvəlki sevincimizdən, şən əһval-ruһiyyəmizdən əsər-əlamət qalmamışdı. Başımı arxaya çevirib uşaqların gözlərinə baxa bilmirdim. Dünən onlara insanlıq dərsi keçmişdik, bugünkü hadisə isə dediklərimizin əksi idi.
Bu һadisənin üstündən illər keçib. Amma aldığımız o acı təəssürat, keçirdiyimiz o ağır һisslər һələ də bizi tərk etməyib.

Müəllif: SƏDAQƏT KƏRİMOVA

SƏDAQƏT KƏRİMOVANIN YAZILARI

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

MURAD MƏMMƏDOVUN KİTABI

VAQİF SULTANLININ YAZILARI

MURAD MƏMMƏDOVUN YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Azərbaycan şairləri – şeir.

USTACAM
Müzəffər ordunun şanlı əsgəri,
Ərənlər yurdunun ər övladıyam!
Zalımın zülmünə təhəmmülüm yox,
Babəklər yurdunun hürr övladıyam!
* * *
Ustadım Nəsimi, sözümüz sözdü,
Ədalət, həqiqət bağrımda közdü,
Ziyadar dühası bir deyil, yüzdü,
Mövlalar yurdunun nur övladıyam!
* * *
Dərvişəm, müqqəddəs sayılır təkkəm,
Hülqumdan yuxarı dayanır öfkəm,
Od, ocaq diyarı tanınır ölkəm,
Alovlar yurdunun nar övladıyam!
* * *
Unutma, şah babam Xətai başdı,
Nadir şah, mətədə tərpənməz daşdı,
İlham, nə keçilməz sədləri aşdı,
İgidlər yurdunun nər övladıyam!
* * *
Tarixdə Nəbisi, Koroğlusu var,
Gen dünya yağıya daim olub dar,
Düşmən qarşımızda yenə oldu xar,
Aslanlar yurdunun şir övladıyam!
* * *
Göydən Yer üzünə ərmağan, payam,
Gündüzlər Günəşəm, gecələr Ayam,
Ən parlaq ulduzdan törəyən boyam,
Ozanlar yurdunun sirr övladıyam!
* * *
Ustacam, vətənim vətən içində,
Axıb duruluruq zaman köçündə,
Min bir anlamı var, adi “heç”in də,
Aqillər yurdunun pir övladıyam!
13.11.2020. Bakı.

Müəllif: Zaur USTAC

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

MURAD MƏMMƏDOVUN KİTABI

VAQİF SULTANLININ YAZILARI

MURAD MƏMMƏDOVUN YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Elçin Mirzəbəyli: – Bu gün Ümumdünya Poeziya Günüdür.

Bu gün Ümumdünya Poeziya Günüdür. Bütün YARADICI insanlara sağlam ömür diləyir, Zahid bəyin başlatdığı “söz yürüşü”nü davam etdirirəm.

…Hər baxışda bir ümid, hər ümiddə bir işıq,
Bir az alatoranlıq, bir az nisgil…
Qarışıq…
Duyğularım hələ də körpü çəkir həsrətə:
İlahi, indi görən nəyə bənzəyir Şuşa?
Kimə bənzəyir Şuşa?
Bəlkə son ayrılığa?
Bəlkə ilk məhəbbətə?
…Tərk edilmiş yolların geriyə dönüşünə?
Susuzluqdan çat verib qanayan dodaqların
yağışla öpüşünə?
Əsarətin sonuna…
Azadlığın dadına…
Ən əziz adamını qarşılayan qadına…

…Dağlar çənlə qolboyun,
Yollar sislə sarmaşıq…
Dəqiqələr süzülür saat əqrəblərindən,
Vaxt sınır,
zaman çökür.
Sanki uçan xalçadı nağıllar aləmində –
Şuşaya yağış yağır,
Şuşaya duman çökür…


Buludlar damla-damla
Layla deyir qalaya.
Ağaclar yallı gedir,
Dağlar durur halaya…
Şuşaya yağış yağır…

Yağış damlalarıyla
Rəqs eləyir çiçəklər.
Çiçəklərin telinə
Sığal çəkir küləklər,
Şuşaya yağış yağır…

İndi Cıdır düzündə
Süslənir xarıbülbül.
Yarıçiçək, yarıquş,
Yarıeşq, yarıbülbül…

İndi Cıdır düzündən
Ucalır cəngi səsi.
Daha şikəst deyildir
Qarabağ şikəstəsi…

Daha şikəst deyildir
Yollar, cığırlar, izlər.
Yurd həsrətli baxışlar,
Vətən sevdalı gözlər.

Şuşaya yağış yağır –
Azadlıq havasında…
Buludlar xumarlanır
Şuşanın səmasında…

…Şəhidlərin ruhu da
Sıldırım qayalardan
Şuşaya işıq saçır…
Şuşa sevgi, gözəllik,
Şuşa yaraşıq saçır.

Necə xoşbəxt görünür
Minarələr, türbələr…
Nə qaçqın var, nə köçkün,
Nə didərgin,
Dərbədər…

Damlalar rəqs eylərir –
Dincəlir əziz Şuşa.
Vətən, yurd sevgisindən
Dirçəlir əziz Şuşa…
Şuşaya yağış yağır…

12 may 2022-ci il
Bakı-Şuşa-Bakı

Müəllif:Elçin MİRZƏBƏYLİ

ELÇİN MİRZƏBƏYLİNİN YAZILARI


RAFİQ YUSİFOĞLUNUN YAZILARI

RAFİQ YUSİFOĞLU HAQQINDA

İSMAYIL MƏRCANLI İMANZADƏ

CAROLİNE LAURENT TURUNC

Mustafa Müseyiboğlu adına kitabxana

ZAUR USTACIN YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Zahid Sarıtorpaq : – QUŞLAR OXUSUN…

Bayram bayrama qarışıb… Bu gün həm də beynəlxalq poeziya günüdür… Bütün şairləri, şeirsevərləri təbrik edirəm! Bu münasibətlə retro şeirlərdən birini paylaşmaq keçdi ürəyimdən…

QUŞLAR OXUSUN

quşlar oxusun oxusun
onsuz da bu haqq yolunda
mehrimizi nəyə salsaq
sonunda aldanış durur
kimə övliya söyləsək
dilində bir qəmli hökm
içində yalvarış durur

gedənlər gedir uzağa
gələr gəlməz Tanrı bilir
Tanrı bilir gedər getməz
gələnlər uzaqdan gəlir

sındırılmış budaqların eşqinə
«haqq! haqq!» deyən dodaqların eşqinə
yenib qonsun baxtımızın köşkünə
oxusun oxusun quşlar

quşlar oxusun oxusun
onsuz da
ancaq qanadı olanların nəğmələri
haqdan gəlir…

Müəllif: Zahid SARITORPAQ

ZAHİD SARITORPAĞIN YAZILARI

QƏŞƏM NƏCƏFZADƏNİN YAZILARI

GÜNNUR AĞAYEVANIN YAZILARI


>>>SATIŞDA OLAN KİTABLAR


Aşıq Qurban: – Pərdəli gəzməyən

Mustafa Müseyiboğlu adına kitabxana

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

WWW.BEYDEMİR.RU

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Zaur Ustacın şeiri

USTACAM
Müzəffər ordunun şanlı əsgəri,
Ərənlər yurdunun ər övladıyam!
Zalımın zülmünə təhəmmülüm yox,
Babəklər yurdunun hürr övladıyam!
* * *
Ustadım Nəsimi, sözümüz sözdü,
Ədalət, həqiqət bağrımda közdü,
Ziyadar dühası bir deyil, yüzdü,
Mövlalar yurdunun nur övladıyam!
* * *
Dərvişəm, müqqəddəs sayılır təkkəm,
Hülqumdan yuxarı dayanır öfkəm,
Od, ocaq diyarı tanınır ölkəm,
Alovlar yurdunun nar övladıyam!
* * *
Unutma, şah babam Xətai başdı,
Nadir şah, mətədə tərpənməz daşdı,
İlham, nə keçilməz sədləri aşdı,
İgidlər yurdunun nər övladıyam!
* * *
Tarixdə Nəbisi, Koroğlusu var,
Gen dünya yağıya daim olub dar,
Düşmən qarşımızda yenə oldu xar,
Aslanlar yurdunun şir övladıyam!
* * *
Göydən Yer üzünə ərmağan, payam,
Gündüzlər Günəşəm, gecələr Ayam,
Ən parlaq ulduzdan törəyən boyam,
Ozanlar yurdunun sirr övladıyam!
* * *
Ustacam, vətənim vətən içində,
Axıb duruluruq zaman köçündə,
Min bir anlamı var, adi “heç”in də,
Aqillər yurdunun pir övladıyam!
13.11.2020. Bakı.

Müəllif: Zaur USTAC

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

MURAD MƏMMƏDOVUN KİTABI

VAQİF SULTANLININ YAZILARI

MURAD MƏMMƏDOVUN YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Poeziya Günü haqqında

Poeziya sözü Yunan dilindəki “POİEO” sözündən yaranıb. Həmin söz Azərbaycan dilinə yaratmaq, inşa etmək, müşahidə etmək kimi tərcümə edilir. Ən qədim poeziya nümunələri olan şeirlər-himnlər eramızdan əvvəl 23-cü əsrə aid edilir. Həmin şeirlərin müəllifi qadın şair En-hedu-ana olub. Şair haqda yeganə məlum olan odur ki, o, Urunu (İran ərazisini) fəth etmiş Akkad şahı Sarqonun qızı olub.
1999-cu ildən etibarən ЮНЕСКО nun qərarı ilə hər il 21 martda Beynəlxalq poeziya günü qeyd edilir.
Poeziya sevənləri və sözdən, kəlmədən məharətlə istifadə edib gözəl poeziya nümünələri yaradan şairlərimizi bu gün münasibəti ilə ən xoş arzularla təbrik edirəm!

Hörmətlə: Təranə MƏMMƏD

yazıçı, şair, tərcüməçi. AYB üzvü.

TƏRANƏ MƏMMƏDİN YAZILARI

Mustafa Müseyiboğlu adına kitabxana

ZAUR USTACIN YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Adilə Nəzər: – Novruz Bayramınız və Poeziya Gününüz mübarək olsun!

NOVRUZ BAYRAMINIZ VƏ POEZİYA GÜNÜNÜZ MÜBARƏK OLSUN!

Bu dünyada hər şeyin dəyəri var və eyni zamanda heç nəyin dəyəri yoxdur…
Bildiyimiz kimi hər şeyin artığı zərər gətirir. Elm – məntiq də insanlığa xidmət etməyəndə dünyanın, həyatın dəyərini gözümüzdən salır əslində.
Son dövrlərdə baş verən hadisələr deyir ki, elmin bir adı məntiq olduğu kimi, o biri adı da siyasətdir, insana dünyanı özünə tabe etdirməyin qaranlıq və təhlükəli yollarını göstərir, insanı hesablı yaşamağa öyrədir. Hesablı yaşam isə insanlığın süqutudur.
Son illər hamı məntiqi ilə yaşamağa başlayıb. Hamı hər sahədə ilinin, gününün, hətta saatının hesabını aparır (maddi, mənəvi)… Mənim fikrimcə xoşbəxt o insandır ki, sabahı fikirləşmir, bugününü yaşayır. Hər dəqiqənin bir hökmü var, 1 dəqiqə sonra nə olacağını kim bilir?…
Biz türklər istiqanlı və duyğulu millətik, amma heyiflər olsun ki, dünyada hamı belə deyil.
Arzu ediləm ki, elə bir dövr gəlsin ki, məntiqlə duyğu arasında tarazlıq olsun. Bax, məhz o zaman İNSANLIĞIN ən böyük uğuru olacaq…
Yaşasın, ağılı, məntiqi qədər də duyğuları ilə yaşayan və yaradıcılığı, sənəti duyan, sevən insanlar! Dünyanı səmimiyyətilə, məhəbbətilə xilas edənlər də məhz onlar olacaqlar. Belə insanların hamısı ŞAİRdir – heykəltəraş daş üzərində, bəstəkar səsdə, rəssam rəngdə, onları diyanlar isə həyata, sənətə, insana və insanlığa baxışları ilə “şeir yazır.”
Poeziya həyatın döyünən ürəyidir. Poeziya duyğudur, hissdir, ruhdur. Poeziya sübut edir ki, dünyada hər şeyin birmənalı şəkildə dəyəri var.
Ruhsuz bədənlər isə “ölü”dür.
Təbiətin rəngini çəkmək asandır şair üçün, bu siyasətin itmiş rənginə bənzəmir…
Əziz və hörmətli feysbuk dostlarım! Ömür kitabınızın ən gözəl yerindən – Novruzun ilk günündə SAĞLAM RUH, SAĞLAM BƏDƏN və MÜBARƏK GÜNLƏR sizin olsun!
Novruz Bayramınız və Poeziya Gününüz mübarək olsun!

Hörmətlə: Adilə NƏZƏR

Filologiya üzrə fəlsəfə doktoru

ADİLƏ NƏZƏRİN YAZILARI

>>>AŞIQ ƏLƏSGƏR >>>DƏDƏ ƏLƏSGƏR

İSMAYIL MƏRCANLI İMANZADƏ

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


> > > > MÜTLƏQ OXUYUNN !!!

“YAZARLAR”  JURNALI PDF


YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Səməd Vurğun – Azərbaycan!

SƏMƏD VURĞUN

Baharla birgə qədəm qoydu Azərbaycan torpağına, baharı gətirdi Azərbaycana… Səməd kimi doğuldu, Vurğun kimi böyüdü, Vəkillik etdi Azərbaycana… Yeni gündə gəldi dünyaya, yenilik gətirdi Azərbaycana, Azərbaycan ədəbiyyatına… Bu gün dahi söz adamının, böyük el sənətkarı Azərbaycan durduqca yaşayacaq, hər Azərbaycan kəlməsi deyiləndə, eşidiləndə, yazılanda yenidən doğulacaq, Azərbaycanın özü kimi qədim, dağları qədər vüqarlı, həmişəcavan, həmişəyaşar Səməd Vurğunnun anadan olduğu gündür. Doğum günündə böyük ustadı rəhmətlə anırıq. Ruhu şad olsun. Amin.

VURĞUN VƏTƏNDİ…
(Vurğuna)

Vurğunam, Vurğunun vurğunluğuna,
Vətən varlığıydı, Vətən varıydı…
Vətəndə vətənsiz Vurğunluğuyla,
Vətənin varlığın vurğulayırdı….
* * *
Varam, Vurğunumun vurğunluğuna,
Varıynan varmışdı varılmayana,
Vətənin vəkili Vəkiloğluna,
Vətən vüqariydı, Vətən varıydı….
* * *
“Vurğunam”, Vətənin varı varımdı,
Vecsizlər vulqarlıq vurğulayırdı,
Vurğunsa, Vətənə Vətən verirdi,
Vətən Vurğunuydu, Vurğun Vətəndi….

24.04.2016 . Bakı.

Müəllif: Zaur USTAC


YAZARLAR.AZ

===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

Baharın ilk günündə doğulan dünyanın ən böyük bahar şairi – Ehtiram İlham yazır:

Baharın ilk günündə doğulan dünyanın ən böyük bahar şairi

SƏMƏD VURĞUN

bəlkə də sovetlətin yeganə qələm adamı olan dühası idi ki, 1937-ci ilin ağrısını ölənədək yaşadı.

Yoxsa 50 yaşında az qala 80 yaşlı qocaya oxşamazdı ki…

Və Müşfiq şerimizin cavanlıq, Füzuli qocalıq rəmzi hesab olunubdusa, Səməd Vurğun ümumiyyətlə şairliyin, insanlığın, həm də xeyirxahlığın və istedadın göstəricisi olub Azərbaycan insanının düşüncəsində və ruhunda.

İndi ona çaqqal kimi hürənlər də çoxdu, adını aşağılamaq istəyənlər də…

Amma O, sovet epoxası adlanan onilliklərin ən halal, ən vicdanlı, ən milli, ən talantlı və heç şübhəsiz ən nüfuzlu şəxsiyyətlərindən biri idi.
Ömrü boyu yaxşılıqlara könül açdı və kimsəsiz istedadlara həyan oldu, onlara həyatı tanıtdı, yollarında şam kimi əridi.

Hər halıyla Azərbaycanda şəxsiyyət faktorunun önündə gəlib də, ən uca ədəbi zirvələri fəth etdi.

Ölümündən 70 ilə yaxın vaxt keçsə də, böyük ilham və tükənməz eşq ilə qələmə aldıqlarının əhəmiyyətli bir hissəsi siyasi konyukturalar ucbatından ədəbi xronikaya çevrilsə də, Səməd Vurğun ümumtürk ədəbi dilinin ən uca zirvələrinin başında qalmaqda davam etməkdədir.

Bu gün bizim dilimiz bu qədər dupduru, bir belə tərtəmiz, bu boyda halaldırsa, ən əvvəl həm də Səməd Vurğuna minnətdar olmalıyıq.

Şah Xətai, Abbas Tufarqanll, Vaqif, Aşıq Ələsgər kimi…

O həmişə yaşayacaq!
Nə qədər ki, dilimiz var!
Nə qədər ki, millətimiz var olacaq!

Özü necə deyirdi:

Vurğun öldü deməyin, bir əbədi sənəti var!

Dərin hörmət və ehtiramla: Ehtiram İLHAM

RAQUF ORUCOV HAQQINDA YAZILAR

EHTİRAM İLHAMIN DİGƏR YAZILARI


POLAD HƏŞİMOV
 VƏ İLQAR MİRZƏYEV HAQQINDA OLAN DİGƏR YAZILARLA KEÇİD ETMƏKLƏ TANIŞ OLA BİLƏRSİNİZ
:


Zaur Ustac
ın  Mucrunesriyyati.az saytında satışda olan kitabları haqqında məlumat:

  1. Mucrunesriyyati.az , 1. Arxiv: Arxiv

TUNCAY ŞƏHRİLİNİN KİTABI

ZAUR USTACIN YENİ KİTABI İŞIQ ÜZÜ GÖRÜB


GÜNNUR AĞAYEVANIN YAZILARI


>>>SATIŞDA OLAN KİTABLAR


Aşıq Qurban: -“Pərdəli gəzməyən nəzərə gələr.”

Mustafa Müseyiboğlu adına kitabxana

ZAUR  USTACIN  YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru