Səlim Babullaoğlu milli mətbuatın 150 illik yubiley medalı ilə təltif edilib
Şair, esseist, Azərbaycan Yazıçılar Birliyinin katibi Səlim Babullaoğlu Azərbaycan milli mətbuatının 150 illik yubiley medalı ilə təltif edilib.
Azərbaycan Mətbuat Şurasının sədri Rəşad Məcid medalı Səlim Babullaoğluna təqdim edib.
Babullaoğlu təltif olunmuş bütün həmkarlarını təbrik edib, Rəşad Məcidə, Medianın İnkişafı Agentliyinin rəhbərliyinə təşəkkür edib.
Ən yaxın tariximiz – unutma!
Azərbaycan dövlətinin ərazi bütövlüyünə qarşı mənfur düşmənlərimiz havadarlarının dəstəyi ilə ərazi iddiasını uzun illər davam etdirdilər, torpaqlarımızın 20 % hissəsi ermənilər tərəfindən işğala məruz qaldı, insanlarımız doğma yurdlarından məcburi köçkünlərə çevrildilər, silahlı basqılara, hətta soyqırıma məruz qaldılar. Beynəlxalq qurumlar, dünya birliyi, hüquqi müstəvidə üzərlərinə öhdəliklər alanlar münaqişənin nizamlanması istiqamətində mümkün tədbirlər görmədilər, işğalçıları ikili standartlar əsasında hətta müdafiə etdilər. BMT-nin qəbul etdiyi 4 çəkindiririci qətnamələr də yerinə yetirilmədi.
1988 -ci ildən başlayaraq 2020 -ci il 44 günlük müharibə dövrünə qədər minlərlə azərbaycanlının həyatına qəsd edildi, tarixi-mədəni abidələrimiz vandalizmə məruz qaldı, yurd yerlərimizdə barbarlıq törədildi, maddi vəsaitlər talandı. Qəhrəman vətən övladlarımız torpaqlarımızın azadlığı uğrunda istər birinci Qarabağ müharibəsi, istərsə də 44 günlük müharibə dövründə canlarını düşmən qarşı sipər edərək mübarizə yolunda şəhidlik zirvəsinə ucaldılar, qazi oldular. 2020 -ci il 27 sentyabrında Dövlət-Xalq-Ordu birliyi düşmənə qarşı haqlı mübarizəmizi uğurla həyata keçirərək 8 noyabr tarixli şanlı Zəfərin qazanılmasına nail oldu. Minlərlə şəhidlik zirvəsinə ucalmış mərd övladlarınız Azərbaycan tarixinin ən şanlı səhifəsinə çevrildilər, qanları ilə torpaqlarımızın işğaldan azad olunmasına imza etdilər, vətən – uğrunda ölən varsa vətəndir çağırışı əməldə sübuta yetirildi, xalqın şərəf və ləyaqəti bərpa edildi.
Birinci Qarabağ müharibəsi zamanı könüllü olaraq hərbi komissarlığa müraciət edərək torpaqlarımızın azad edilməsində canından keçməyi bacaran, şəhidlik zirvəsinə ucalan mərd oğullarımızdan biri də Hüseyn Muxtar oğlu Məmmədovdur.
Qarabağımızın dilbər güşəsi olan Ağdam rayonunun Novruzlu kəndindən olan Muxtar Sərxan oğlu Məmmədov bəy nəslindən olduğu üçün ötən əsrin əvvəllərindən etibarən təqiblərə məruz qalmış, bir müddət sonra isə Mingəçevir şəhərinin quruculuğunda iştirak edərək sıravi işçidən istehsalat birliyinin rəisi vəzifəsinə ucalmışdır. Həyatını Mingəçevirin quruculuğa töhfələr verən, bu şəhərin yaradılmasında əməyi olan Novruzlu kənd sakinləri Muxtar Məmmədov və Şahvələd Quliyev bütün dövrlərdə Ağdam adına həmişə hörmət gətirmişdilər. Xatırlatmaq istəyirəm ki, əvvələr və indiki dövrdə də elm, mədəniyyət və dövlət quruculuğuna çox böyük töhfələr vermiş Novruzlu kəndinin sakinləri olmuş və var. Kənd sakinlərindən Qarabağ münaqişəsi zamanı onlarla Şəhid, qazi olmuşlar .Zəngin milli-mənəvi dəyərlərə söykənən Muxtar Məmmədovun ailəsində 4 oğlan, 3 qız övladı dünyaya göz açdı ,orta və Ali təhsil alaraq vətəninə xidmət etdilər. Orta təhsilini Mingəçevir şəhərində, Ali təhsilini isə Özbəkistanın Daşkənd şəhərində Xalq Təsərrüfatı institunun iqtisadiyyat fakültəsini müvəffəqiyyətlə başa vuran Hüseyn Myxtar oğu vətənimiz üçün ən çətin dövrdə -1993 -cü ildə hərbi komissarlığa müraciət edərək Milli ordunun 701-ci batalyonunun tərkibində Kəlbəcər, Tərtər və Ağdam istiqamətlərində düşmənə qarşı kəskin döyüşlərdə iştirak etdi, 1995 -ci ilin noyabr ayında isə Şəhidlik zirvəsinə ucaldı.
Vətəninə, doğma el-obaslna bağlı olan Hüseynin orduya yollanan zaman iki azyaşlı övladları olsa da, vətəninin azadlığını hər şeydən uca tutdu .Hər adama nəsib olmayan Şəhidlik zirvəsinə öz adını yazmağı bacaran Hüseyn üçün 1962 – 1995 iılər ömür payının təqvim tarixi olsa da, əbədilik qazandığı amalı ilə Azərbaycan xalqının şanlı səhifəsinə çevrildi ! Birinci Qarabağ müharibəsi zamanı Hüseyn Məmmədov, onun döyüş yoldaşları vətən üçün canından keçməyin, igidlik məktəbinin təməlini qoyanlardan oldular. Hüseyn orduya arzusu əsasında yollanan zaman vətənə sədaqətlə xidmət etməkdən şərəf duyduğunu əməli ilə sübut etdi, vətənin dar günündə Vətən bizimdir – deyərək qürur mənbəyimizə çevrilməyi bacardı.
Birinci Qarabağ müharibəsinin ilk dövrlərində vahid komanda birliyinin olmaması, təchizat baxımından zəiflik, hakimiyyət böhranı da cəbhədə uğur qazanmağınız üçün şərait yaratmırdı. Xalqın təkidli tələbi ilə hakimiyyətə qayıdan Ulu Öndər Heydər Əliyev fenomen şəxsiyyət, dövlət qurucusu olaraq dövlət və ordu quruculuğu istiqamətində genişmiqyaslı tədbirlər həyata keçirdi, onun varisi-siyasi yolunu uğurla davam etdirən Prezident – Ali Baş Komandan İlham Əliyevin başlığı altında Müzəffər Ordumuzun qazandığı rəşadətli qələbə xalqımızın tarixinə qızıl hərflərlə yazıldı. Yaşadığımız ömür payında və gələcəkdə də şəhidlərimizə hər zaman borclu olduğumuz birmənalıdır, onları dərin ehtiramla yad edirik. Qazanılmış şanlı Zəfərimizin təntənəsi birinci Qarabağ müharibəsi zamanı vətəninə sədaqətlə xidmət edən Hüseyn kimi qəhrəman vətən övladlarının keçdiyi dönməz, əzmkar döyüş, qəhrəmanlıq yolunun davamı və təsdiqi oldu. İndi Hüseyn ,onunla birgə yenilməz döyüş yolu keşmiş şəhidlərimizin ruhu şaddır ki, uğrunda canlarından keçdikləri Azərbaycanın ərazi bütövlüyü və suverenliyi tam təmin olunmuşdur. Keşmiş məcburi köçkünlər Dövlət proqramına uyğun olaraq doğma ocaqlarına dönürlər, Qarabağımız və Şərqi Zəngəzurda bərpa quruculuq işləri sürətlə davam etdirilir.
Şəhid Hüseyn Myxtar oğlu Məmmədovun xatirəsinə həsr olunmuş.
Mirvari Dilbazi poeziya Məclisi İB – nin təşkilatçılığı və təşəbbüsü ilə keçirilən tədbirdə Şəhid bacısı Aybəniz xanım Camalova (Məmmədova) tərəfindən tarixi faktlara söykənən “Adını tarixə yazan Şəhid qardaşım” kitabının təqdimatında iştirak edərkən bir daha əmin oldum ki, gənc nəslin tərbiyəsində mühüm rolu olan, tariximizi, yurd yerlərimizi özündə əks etdirən Şəhidlərimizin qəhrəmanlıq yolunu təbliğ etmək, tanıtdırmaq, tariximizi yaşatmaq olduqca vacibdir. Təbii ki, bu məsul, şərəfli vəzifənin öhdəsindən kitabın müəllifi olaraq respublikamızın tanınmış pedaqoqu, Şəhid bacısı Aybəniz xanım çox layiqincə gəlmişdir. Redaktor olaraq Vaqif Osmanlının rolu da danılmazdır. Kitabda ərazi bütövlüyünün qorunmasında şəhidlik zirvəsinə ucalmış bir çox qəhrəman vətən övladları, Qarabağımız tarixi, Hüseynin ata-baba yurdu – Ağdam rayonunun Novruzlu kəndi haqqında da geniş məlumat verilib, folklorumuza və digər ədəbi yanrlarımıza da Aybəniz xanımın şəxsi töhfəsi kitabda əks olunmuşdur. Bacı-qardaşlar, sinif yoldaşları, yaxınları, QHT-i təmsilçilərinin Hüseynin uşaqlıq illərindən tutmuş yaşadığı sonrakı dövrdə qədər fəaliyyəti, vətənə, qohumlara bağlılığı haqqında geniş fikirlər öz əksini tapmışdır, tədbir zamanı müzakirə -çıxışlarda da həm nisgilli, kövrək, həm də qürurlu fikirlər səsləndirildi. Respublikanın bir çox yerlərindən tədbirdə iştirak edənlərin Şəhid Hüseyn haqqında söylədikləri əhatəli, yüksək fikirləri xatirələrimizi daha da zənginləşdirdi .
Qəhrəman Vətən övladlarını yad etmək, xatirələrini əziz tutmaq hər birimizin ən müqəddəs borcudur. Vətənin, xalqın yolunda canını fəda edənlər hər zaman hörmətə -ehtirama layiqdirlər. Dövlətimizin Şəhid ailələrinə qarş qayğı, dəstəyi də olduqca müsbətdir. Nə qədər zaman ötsə də, nəsillər bir-birini əvəz etsə də, Şəhiglərimiz heç vaxt unudulmayacaqdır!
Hüseyn – onunla birlikdə Qarabağımızın azadlığı uğrunda canlarından keşmiş Şəhidlərimizi dərin ehtiramla yad edir, ruhlarına dualar edir, qazilərimizə sağlamlıq arzulayıram.
Ali Baş Komandan İlham Əliyev, onun Müzəffər Ordusu var olsun!
Qarabağ Azərbaycandır!
Şəhidlər ölməz, Vətən bölünməz!
Müəllif: Sabit Əzimov
MÜKAFATLARIM
Bu günə qədər bir neçə fəxri diplom və mükafatla təltif olunsam da, heç vaxt bunu qabardıb mənəmlik etməmişəm.
Həmişə tərifdən qaçıb, belə şeyləri qabartmağa, paylasmağa utanmışam nədənsə. Baxmayaraq ki, bəziləri pul ilə nələrsə əldə edib adamın az qala gözünə soxur ki, mənim belə titullarım var. Mən həmişə düşünmüşəm ki, heç bir fəxri ad insanın öz adından üstün ola bilməz. Kimsə mənim adımın yanındakı “artırmalara” -titullara görə hörmət edəcəksə, etməsin daha yaxşı.
Amma hər halda mənim boynumda bir təşəkkür borcu, minnətdarlıq yükü var. İndiyə kimi və bu il ərzində aldığım üç fəxri diplomlara məni layiq görən iki şəxsə: fəlsəfə üzrə fəlsəfə doktoru, “Həməşəra” mətbu orqanının təsisçisi və baş redaktoru, Azərbaycan Jurnalistlər Birliyi və Azərbaycan Yazıçılar Birliyinin üzvü, “Ziyadar” Mükafatı, “Qızıl Qələm” və “Zəfər” Media Mükafatları Laureatı, tərcüməçi, araşdırmaçı, yazıçı-publisist, “Ədəbiyyat və incəsənət” portalının Cənub təmsilçisi İlqar İsmayılzadəyə, həmçinin, “Yazarlar” Jurnalının baş redaktoru, AVMVİB-nin, AJB və AYB-nin üzvü, “Qızıl Qələm” Media Mükafatı laureatı, Prezident təqaüdçüsü, tanınmış nasir, şair və publisist Zaur Ustaca minnətdar olmaq istərdim.
Mən istəyirəm əvvəlcə bu alınan diplom və nişan, mükafatların mahiyyətini də sadalayım. Və bu təşəkkür üçün qələmə aldığım yazını yekunlaşdırım.
Fəxri mükafat – insan ömrünün səssiz salnaməsidir. O, illərin zəhmətini bir damla işıqda toplayır, əməyi rəmzə çevirir, vicdanı tarixə yazır.
Medal sinədə parlayanda, sanki illərin yorğunluğu sözə çevrilir.
Bir damla göz yaşı, bir təbəssüm, bir ömrün hekayəsi o kiçik dairədə gizlənir.
Nişan – tarixin yaddaşıdır. Bir xalqın kimliyini, bir ömrün amalını göstərir. O, sahibinə deyil, bütöv bir xalqa deyir: “Fədakarlıq unudulmaz, zəhmət əbədi yaşar”.
Mükafat – bir ömrün zirvəsi, bir yolun sonunda açılan işıq qapısıdır.
O işıqdan başqaları da yol tapır, çünki mükafat yalnız sahibinə deyil, gənclərə ümid, cəmiyyətə nümunədir.
İlqar müəllim tərəfindən mənə verilmiş “Həməşəra” Fəxri Diplomu – doğma torpağın, doğma insanların sevgisini və etimadını əks etdirir. Bu diplom bir ömrün köklərinə bağlılığın, insanlara xidmətin rəmzidir.
Onun bu il mənə təqdim etdiyi “Nizami Gəncəvi” Fəxri Diplomu sözün qüdrətinə verilən bir qiymətdir. Nizami irsinin işığında alınan bu diplom, poeziyanın əbədiyyətlə qovuşan parıltısını daşıyır.
Zaur Ustac müəllim tərəfindən təltif edildiyim “Ziyadar” Mükafatı isə – ziyalı yolunun təsdiqidir. Bu diplom, maarifə, elmə və mədəniyyətə xidmətin işığını simvolizə edir.
Bu diplomlar bizim ömrümüzün poetik salnaməsinə yazılmış parlaq səhifələrdir. Onlar yalnız bir şəxsi təltif deyil, həm də bir cəmiyyətin minnətdarlığıdır. Hər biri bizim yolunuzun bir mərhələsini işıqlandırır, hər biri bir ömrün fədakarlığını təsdiqləyir.
Fəxri mükafatlar, medallar, nişanlar və diplomlar – hamısı bir amalın, bir ömrün, bir vicdanın rəmzidir. Onlar bizə öyrədir ki, insanın ən böyük mükafatı onun əməyinin cəmiyyətin yaddaşına həkk olunmasıdır.
Beləliklə bir daha təşəkkür edir, hər kəsə layiq olduqları qiyməti almasını arzulayıram. Qələmimə verilən dəyər, imzama edilən hörmət sizə olan məsuliyyətimi, boynuma düşən şairlik borcumu daha da artırır.
Ümid edirəm ki, bundan sonra da qələmimi ədəbiyyata vicdanımla xidmət edən görəcəm.
21.12.2025
Arzu Əyyarqızı,
“Mirvarid Dilbazi Poeziya Məclisi İctimai Birliyi”nin üzvü və Cəlilabad rayonu üzrə rəsmi təmsilçisi, “Həməşəra” Ədəbi Məclisinin yaradıcısı və rəhbəri, “Zərif kölgələr” ədəbi saytının idarə heyətinin üzvü, Azərbaycan Yazıçılar Birliyi və Azərbaycan Jurnalistlər Birliyinin üzvü, “Həməşəra” və “Nizami Gəncəvi” Fəxri Diplomları, “Ziyadar” Mükafatı laureatı, şair-publisist
Əziz dostlar, dekabrın 22-si fizika-riyaziyyat elmləri doktoru, professor Arif İsmayılovun doğum günüdür
İsmayılov Arif Yadulla oğlu, funksiyalar nəzəriyyəsi sahəsində mütəxəssis, 22 dekabr 1929-cu ildə Qazaxda anadan olmuş, orta təhsilini 1936-1946-cı illərdə Quba şəhərinin 1 saylı orta məktəbində almış, 1947-ci ildə S.M.Kirov adına Azərbaycan Dövlət Universitetinin fizika-riyaziyyat fakültəsinə daxil olmuş, 1952-ci ildə ali məktəbi bitirmiş, 1952-1955-ci illərdə həmin universitetin aspirantı olmuşdur.
1955-ci ildə ADU fizika-riyaziyyat fakültəsinin Elmi Şurasında akademik İbrahim İbrahimovun rəhbərliyi ilə “Çoxdəyişənli polinomlar üçün S.N.Bernşteyn və A.A.Markov bərabərsizliklərinin ümumiləşdirilməsi və onların yaxınlaşma nəzəriyyəsində tətbiqi” mövzusunda namizədlik dissertasiyası müdafiə etmişdir. 1955-1958-ci illərdə universitetin “Cəbr və funksiyalar nəzəriyyəsi” kafedrasında assistent və baş müəllim, 1958-1978-ci illərdə “Funksiyalar nəzəriyyəsi və funksional analiz” (əvvəl “Cəbr və funksiyalar nəzəriyyəsi”) kafedrasında dosent, 1978-1986-cı illərdə həmən kafedrada professor vəzifəsində çalışmışdır.
O, 1959-cu ildə “Cəbr və funksiyalar nəzəriyyəsi” kafedrası üzrə dosent elmi adına layiq görülmüşdür. 1978-ci ildə professor elmi adı almış və ömrünün sonuna qədər funksiyalar nəzəriyyəsi və funksional analiz kafedrasının professoru vəzifəsində çalışmışdır. Arif İsmayılov funksiyaların kontruktiv nəzəriyyəsi üzrə mütəxəssis olub, 30-dan çox elmi məqalənin, 1 monoqrafiyanın müəllifidir. Onun rəhbərliyi ilə 4 nəfər namizədlik dissertasiyası müdafiə etmişdir. O, uzun illər kompleks dəyişənli funksiyalar nəzəriyyəsindən mühazirələr oxumuşdur.
Arif İsmayılov 1986-cı ildə Bakıda vəfat etmişdir.
Mənbə və müəllif: Misir Mərdanov
Sevinc Şirvanlının kitabları
Təqdim edir: Günnur Ağayeva
ədəbiyyatşünas, tənqidçi
“ARİSTOTEL POETİKASI” RUBRİKASI
Asif Yusifcanlı – pedaqoq, şair
(Abbasov Asif Abbas oğlu)
“Mən dünyada müəllimdən şərəfli ad tanımıram” deyən Ümummilli lider Heydər Əliyev hər zaman müəllimlər haqqında da xoş sözlər söyləmişdir. İstər Ümummilli lider Heydər Əliyev, istərsə də, Azərbaycan Respublikası Prezidenti İlham Əliyev müəllimlərə yüksək dəyər vermişdir. Məhz bu inkişafın davamı olaraq, heç şübhəsiz ki, müstəqil Azərbaycanımızın müəllimlər ordusu xalqımızın gələcək xoşbəxt həyatı üçün bütün imkanlarını səfərbər edir, vətənimizə layiq vətəndaşların yetişdirilməsində öz xidmətlərini əsirgəmirlər.
Müəllimlər hər birimizə yazmağı, öyrənməyi, düşünməyi öyrədir. Bunun üçün çox fədakarlıqlar edirlər. Belə fədakar müəllimlərimizdən biri də Zərdabı zərdablılar qədər sevən Abbasov Asif Abbas oğludur.
Asif Abbas oğlu Abbasov 1948-ci ildə Ağdam rayonunun Yusifcanlı kəndində ziyalı ailəsində anadan olub. Səkkizillik məktəbi Yusifcanlı kəndində bitirib, orta təhsilini isə qonşu Novruzlu kənd orta məktəbində alıb.
1969-cu ildə M.Ə.Sabir adına Bakı Pedoqoji Texnikumunu bitirib, doğulduğu Ağdam rayonunun Yusifcanlı kəndində müəllim kimi əmək fəaliyyətinə başlayıb.
Asif Abbasov 1971-1973-cü illərdə sovet ordusu sıralarında hərbi xidmət keçib və bölük komsomol təşkilatının katibi olub. Paralel olaraq “Krasnıy bayets” ordu qəzeti ilə əməkdaşlıq edib. Hərbi xidmətini başa vurduqdan sonra Asif müəllim M.F.Axundov adına Azərbaycan Dövlət Rus dili və Ədəbiyyatı İnstitutuna (indiki Bakı Slavyan Universiteti) daxil olaraq ali təhsil alıb.
Səmərəli müəllimlik fəaliyyətinə görə 1988-ci ildə Azərbaycan SSR Təhsil Nazirliyi tərəfindən Asif Abbasova “metodist müəllim” adı verilib.
Qarabağda baş verən ağrılı proseslər nəticəsində Asif müəllim Zərdab şəhərində məskunlaşıb.
1993-2003-cü illərdə Zərdab rayonunun Dəkkəoba kənd orta məktəbində ali kateqoriyalı müəllim və dərs hissə müdiri vəzifəsində çalışıb. 2003-cü ildən 2015-ci ilədək Zərdab şəhər 124 saylı texniki peşə-liseyində dərs hissə müdiri işləmişdir.
Asif müəllim həmçinin bədii yaradıcılıqlada məşğuldur. Onun yazdığı şeirlər “Kür damlaları” kitabında qeyd olunmuşdur. Həmin kitabda zərdablı şairlərin şeirləridə yazılmışdır. Həmçinin özünün nəşr etdirdiyi “Ömrümü uzadır vətən həsrəti” adlı şeir kitabıda var.
Öz yurdumda yaşamağa,
Öz yurdumu yaşatmağa.
Ürəyini boşaltmağa.
Köçüm gedim Qarabağa.
Keşiyində durmaq üçün,
“Dəmir yumruq” vurmaq üçün.
Sabahını qurmaq üçün,
Köçüm gedim Qarabağa.
Tar-kamanım əlimdədir,
“Sikəstəsi” dilimdədir.
Xoşbəxtliyim elimdədir.
Köçüm gedim Qarabağa.
Asif müəllim deyir: “Mən əslən Ağdam rayonundan olsam da, Zərdabı zərdablılar qədər sevirəm”.
Hal-hazırda təqaüddədir. Bakı şəhərində yaşayır.
Alilədir, bir oğlu, üç nəvəsi var.
Asif müəllimə gələcək fəaliyyətində uğurlar arzulayırıq.
Oxuyun >> Gözündə tük var
ÇÖZÜM
Qədrin bil hər zaman suyun, çörəyin,
Əlində möhkəm tut səb(i)r dirəyin,
Həm Tanrı vurmursa yerə kürəyin,
Dərdə də, qəmə də zamandı çözüm.
Güvən düşüncəyə, güvən ağıla,
Bu həyat bənzəmir işdə nağıla,
Tarlada saralan, dəyən taxıla,
Dərilcək küləşdi, samandı çözüm.
Düşün ki, bu dünya belə də qalmaz,
Nə ona, nə buna meylini salmaz,
Biri çin olarsa, biri də olmaz,
Arzuya, diləyə gümandı çözüm.
Min deyil, milyondu, milyarddı bəşər,
Sevincdi, şadlıqdı, həm dərddi bəşər,
Kiminə rəzalət, … qüdrətdi bəşər,
Elə insana da insandı çözüm.
21. 12. 2025
Müəllif: Təvəkkül GORUSLU
