Əzizimiz Zaur Ustac!..
Doğum gününüzü, 50 illik yubileyinizi təbrik edir, sizə cansağlığı, uzun ömür arzulayırıq. Siz bütün yazarların dostu, yaxınısınz. Hər birimizin yaradıcılığında xırdada olsa diqqətiniz və imzanız vardır.
Var olun, gözəl insan.
Müəllif: Meyxoş ABDULLAH
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Bugün, Azerbaycan edebiyatının parlaq ulduzu, özünün bənzərsiz şeirlər və yüksək ideyaları ilə ədəbiyyatsevərlərin qəlbində dərin izlər buraxmış Zaur Ustacın doğum günü. Ustac yalnızca vətənpərvərliyi tərənnüm edən, insanlıq və yüksək əxlaqi dəyərləri şüar edən şeirləri ilə deyil, həmçinin özünün səmimi və təvazökar həyatı, insanlar arasında sevgi və qarşılıqlı hörmətə əsaslanan münasibətləri ilə də hər kəsin diqqətini çəkmişdir. Onun yaradıcılıq işləri, şübhəsiz ki, təkcə Azərbaycan ədəbiyyatına deyil, bütün Türk dünyasının ədəbi xəzinəsinə böyük bir töhfə olaraq tarixdə qalacaqdır.
Zaur Ustacın şeirləri hər bir oxucuda dərin düşüncələr və yüksək hisslər oyadır; onun sözlərində qəlbdən gələn səmimiyyət və özünə məxsus incəlik əks olunur. Ustacın şeirlərində insanlıq, sədaqət, vətənpərvərlik və insanlığın yüksək tərəfləri xüsusi yer tutur. Bu, onun şeirlərinin və sənətinin yalnız ədəbiyyatsevərlərə deyil, həmçinin bütün dünya mədəniyyətinə və ədəbiyyatına təsir etdiyini göstərir.
Zaur Ustac həmçinin “Yazarlar” jurnalının redaktoru kimi də geniş ictimaiyyətə tanınmışdır. Onun yaradıcılığı və mənəviyyatı bir çox gənc şairlərə ilham verir, ədəbiyyatda müasir inkişaflara etdiyi töhfə isə xüsusi tərifə layiqdir.
Bugün, onun doğum günü münasibətilə, Zaur Ustacı səmimi qəlbdən təbrik edirəm! Həyatının hər anı xoşbəxtlik, rifah və müvəffəqiyyətlə dolsun. Sağlamlıq, ailə xoşbəxtliyi, yüksək yaradıcılıq ucalıqları və yeni zirvələri fəth etməyinizi arzulayıram! Sizə uzun ömür, xoşbəxtlik və sonsuz ilham mənbələri nəsib olsun! Yaratdığınız əsərlər hər zaman yeni nəsli ilhamlandırsın və ölkəmizdə sizin şeirləriniz xüsusi şöhrət qazansın!
Hörmətlə: Cahangir NAMAZOV,
“Butov Azerbaycan” qəzetinin,
“YAZARLAR” jurnalının redaksiya heyətinin üzvü, Özbəkistan üzrə təmsilçisi.
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ZAUR USTAC-50
Bu gün şair-publisist, Azərbaycan Jurnalistlər Birliyinin üzvü, “Qızıl qələm” mükafatı laureatı, “Yazarlar” jurnalının təsisçisi və baş redaktoru, Azərbaycan Respublikası Prezident təqaüdçüsü hörmətli Zaur Ustacın yubiley doğum günüdür.
Zaur Ustac 8 yanvar 1975-ci ildə Bakı şəhərində anadan olmuşdur. İlk və orta təhsilini Ağdam rayonunun Yusifcanlı kənd orta məktəbində almışdır.Ali təhsilini Bakı Dövlət Universitetində, Bakı Ali Birləşmiş Komandanlıq Məktəbində, Beynəlxalq İxtiraçılıq və Biznes İnstitutunda və Şamaxı Humanitar Kollecində almışdır.
Birinci Qarabağ müharibəsinin iştirakçısı və ehtiyatda olan zabitdir.
”Günaydın “, “Mum kimi yumşalanda”, ”Məhdud həyatın məchul düşüncələri”, ”İstəməzdim şair olum hələ mən”, ”Gülzar”, ”Şehçiçəyim”, “Gülünün şeirləri”, ”Balçiçəyim”, ”Bayatılar”, “Qələmdar”, “Yaradanla baş-başa”, “Zimistan”, “45” (şeirlər), “Ülyahəzrət”, “Qədimliyə bürünmüş yenilik”, “Gülüzənin şeirləri” və s. kitabların, çoxlu sayda məqalələrin müəllifidir.
Zaur müəllim biz gənclərin tanınmasına daima dəstək olmuş, məqalələrimi dəfələrlə “Yazarlar” jurnalında və eyniadlı saytda dərc etdirmişdir. Həmçinin “Möhtəşəm Zəfərin Nişanəsi” adlı kitabıma görə məni “Yazarlar” jurnalı tərəfindən yeni kitabların nəşrinə görə eyni şəxsə yalnız bir dəfə təqdim olunan “ZİYADAR” Mükafatına layiq görmüşdür. 2023-cü ildə Ulu Öndərimiz Heydər Əliyevin 100 illik yubileyinə və “Heydər Əliyev ili”nə həsr etdiyim “Ulu Öndərin işığında” adlı kitabımın Yasamal rayon Heydər Əliyev Mərkəzində və Cəfər Cabbarlı adına Respublika Gənclər Kitabxanasında keçirilən təqdimatında iştirak etmiş və gözəl nitq söyləmişdir. Həmçinin məni İsa Muğanna mükafatı və 2023-cü ilin yekunlarına əsasən “İlin gənc şairi” nominasiyası üzrə İldırım Əkbəroğlu adına diplomla təltif etmişdir.
Zaur müəllim əsl ədəbiyyat fədaisidir! Ədəbiyyatımızın inkişafı yolunda yorulmadan fəaliyyət göstərir. Yazıçılarımızın, şairlərimizin həyat və fəaliyyətini işıqlandırır, onları unudulmağa qoymur.
Hörmətli Zaur müəllimi 50 illik yubileyi münasibəti ilə ürəkdən təbrik edirəm. Ona can sağlığı və yeni-yeni yaradıcılıq uğurları arzu edir və onunla fəxr edirəm!
Hörmətlə: Sevindik NƏSİBOĞLU
SEVİNDİK NƏSİBOĞLUNUN YAZILARI
SEVİNDİK NƏSİBOĞLU DİGƏR MƏNBƏLƏRDƏ
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru
XƏZAN JURNALININ DEKABR – 2024 № 63-CÜ SAYI (DEKABR 2024/9/63) – ZAUR USTAC – 50 PDF: XƏZAN JURNALI – 63
Azərbaycan Jurnalistlər Birliyinin
TƏBRİKİ
Dəyərli qələm dostumuz Zaur Ustac!
Sizi-istedadlı şair-publisisti 50 illik yubileyiniz münasibətilə təbrik edirik.
Siz 8 yanvar 1975-ci ildə Bakı şəhərində anadan olmusunuz.
Tam orta məktəbi Yusifcanlı kəndində – 1991-ci ildə bitirmisiniz.
Siz 1992-ci ildə Bakı Dövlət Universitetinə daxil olmusunuz.
1993-1995-ci illərdə təhsilinizi yarımçıq qoyub Ağdərə istiqamətində döyüşən orduda əsgər kimi xidmət keçmisiniz.
1995-1999-cu illərdə Bakı Ali Birləşmiş Komandanlıq Məktəbində hərbi təhsil almısınız.
2002-ci ildə Leytenant rütbəsində zabit kimi ehtiyata buraxılmısınız.
“Günaydın”, “Mum kimi yumşalanda”, “Məhdud həyatın məchul düşüncələri”, “Oriyentir ulduzu”, “Bayatılar”, “Gülünün şeirləri”, “Əliş və Anna”, “Sevgi dolu şeirlər” və s. kitabların müəllifisiniz. 2019-2020-ci tədris ilindən uşaqlar üçün olan şeirləriniz məktəb və liseylərin məktəbəhazırlıq qruplarında tədis olunur.
Siz Azərbaycan Jurnalistlər Birliyinin, Azərbaycan Yazıçılar Birliyinin üzvüsünüz.
Prezident təqaüdçüsüsünüz.
Müxtəlif mükafatlara layiq görülmüsünüz.
Müharibə veteranısınız. Ehtiyatda olan zabitsiniz. Müstəqil ədəbi qurum olan “Yazarlar” jurnalının təsiçisi və baş redaktorusunuz.
Hörmətli Zaur Ustac!
Sizi bir daha 50 illik yubileyiniz münasibətilə təbrik edir, cansağlığı, yeni yaradıcılıq uğurları arzulayırıq.
Azərbaycan Jurnalistlər Birliyi
ZeferNews
ZAUR USTAC – 50
Bu gün vətənpərvər şair, dəyərli povest və hekayələr müəllifi Zaur Ustacın 50 yaşı tamam olur. Bu yaş dövrü hər bir şəxsin həyatında ən məhsuldar dövrlərdən hesab olunur. Zaur Ustac da ömrünün ən parlaq – uğurlarla zəngin çağını yaşamaqdadır. O, təkcə şairlik, yazıçılıq fəaliyyəti ilə kifayətlənməyib, ədəbiyyat və mədəniyyət sahəsində baş verən əhəmiyyətli hadisələrə mütəmadi olaraq publisist rəylərini bildirməyi özünə borc bilən qələm adamlarından biridir.
Azərbaycan Vətən Müharibəsi Veteranları İctimai Birliyinin, Azərbaycan Jurnalistlər Birliyinin və Azərbaycan Yazıçılar Birliyinin fəal üzvü olan Zaur Ustac eyni zamanda fəal ictimaiyətçidir. Onu bütün faydalı tədbirlərdə görə bilərik.
Ailəlidir. İki övladı var.
8 yanvar 1975-ci ildə Bakı şəhərində Mustafa Müseyiboğlunun ailəsində dünyaya göz açan Zaur Ustac ailəsinin öz doğma yurdu Ağdam rayonunun Yusifcanlı kəndinə köçməsilə əlaqədər olaraq, 1981-1991-ci illər ərzində Yusifcalı kənd orta məktəbində əla qiymətlərlə təhsil almış və təhsilini humanitar istiqamətdə fərqlənmə ilə btirmişdir. Özünün dəfələrlə qeyd etdiyi kimi həyatını yalnız kitablarla bağlı sakit bir sahədə təsəvvür edən gənc Zaur bu məqsədlə ixtisas seçən zaman Məhəmməd Əmin Rəsulzadə adına Bakı Dövlət Universitetinin “Kitabxanaşünaslıq və Biblioqrafiya” ixtisasını seçir və 1992-1993-cü tədris ilindən bu təhsil müəssisəsində təhsilini davam etdirir. Günümüzdə heç bir hadisəyə biganə qalmayan Zaur Ustac həmin dövrdə də baş verənlərə laqeyid qala bilmir və 1993-ilin aprel ayından rəsmi olaraq döyüşən orduya qoşulur. Ağdərə istiqamətində gedən döyüşlərdə iştirak edir, dəfələrlə yaralanır (Müharibə veteranıdır). Atəşkəsdən sonra daha bir il ordu sıralarında xidmət etdikdən sonra təhsilini Həzi Aslanov adına Bakı Ali Birləşmiş Komandanlıq Məktəbində davam etdirməyə qərar verir və 1995-1999-cu illər ərzində bu xüsusi təyinatlı təhsil müəssisəsində təhsil aldıqdan sonra zabit kimi yenidən ordu sıralarına qayıdır. Sonrakı illərdə Beynəlxalq İxtiraçılıq və Biznes İnstitutunda İKT üzrə mütəxəssis, Şamaxı Dövlət Regional Kollecində İbtidai Sinif Müəllimliyi ixtisasına yiyələnən Zaur Ustac bütün bunlarla yanaşı 24 may 1988-ci ildə Ağdamda dərc olunan “Lenin yolu” qəzetində “Əməyə məhəbbət” adlı ilk yazısı ilə çıxdığı ədəbi yaradıcılıq yolundada fəaliyyətini bir gün belə olsun səngitmir. Zamanla ayaqlaşır. Bütün dövrlərdə zamanın tələbinə çevik reaksiya verir. O, dəyişikliklərdən qorxmur, əksinə buna meyillidir. Yenilikçidir. Novatorluq onun tale yazısıdır.
2007-ci ildən təsisi etdiyi və bu gün də fəaliyyətini uğurla davam etdirən “Yazarlar” jurnalı, 2010-cu ildən isə “yazarlar.az” saytı idarəçiliyində olan Zaur Ustac günümüzdə 40 – dan artıq müxtəlif səpkili kitabın müəllifidir. 2019-2020-ci tədris ilindən etibarən metodik vəsaitlərə daxil edilmiş uşaq şeirləri məktəbəhazırlıq qruplarında uğurla tətbiq və tədris olunur. O, əsl zəmanə adamıdır. Yola saldığımız 2024-cü ildə “Top 100 in Azerbaijan” layihəsində yazarlarımız adına uğurla təmsil olunub.
Zaur Ustacı 50 yaşının tamam olması münasibətilə təbrik edir, ona can sağlığı, uzun və faydalı ömür, bol-bol yaradıcılıq uğurları arzulayırıq.
“Xəzan” ədəbi-bədii jurnalının redaksiya heyəti
08.01.2025, Bakı şəhəri.
Məlumatı hazırladı: Günnur Ağayeva
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Əlamətdar günlərdə “Yazarlar” cameəsi adından təbrik etmək üçün istifadə olunur. “Yazarlar” jurnalının Baş redaktoru tərəfindən imza və möhürlə təsdiqlənir. Təbriknamənin sayı və verildiyi tarix qeyd olunur.
2024 – CÜ İL:
2025 – Cİ İL:
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Bu gün dayım Soltan Abbasın 92 yaşı tamam olur. Soltan dayım bir ədəbiyyat sevdalısıdır. 30 dan çox kitabı çap olunub. Keçmiş SSRİ Yazıçılar İttifaqının üzvü olub. Keçən əsrin 60-cı illərindən başlayaraq şeirləri müntəzəm olaraq “Ədəbiyyat və İncəsənət” qəzetində, “Azərbayvan”, “Uldiz” jurnallarında və respublikamızın diğər mətbuat orqanlaında çap olunub. O, əvvəllər Salyanda fəaliyyıt göstərən “Kürün töhfəsi”, 1973-cü ildən isə Neftçaladakı “Xəzər nəğmələri” ədəbi birlıklərinə rəhbərlik edib. Hal-hazırda da dünyaya gəldiyi Ballıcallı kəndində yaşayır. Soltan dayım şərəfli bir ömür yaşayıb, eldə obada böyük nüfuz və hörmət sahibidir, əsl ağsaqqaldır. Bu yazdıqlarımı dayımı tanıyan hər kəs təsdiq edər. Dayıma ən xoş arzularımı bildirir və onun iki şerini paylaşıram:
GEDİRƏM YAXŞI BAX
Gəldim bu dünyaya yaşamaq üçün,
El -oba yükünü daşımaq üçün.
Gedirəm, yaxşı bax, bu mənim köçüm,
Mən nə gətirmişdim, nə aparıram.
Harayım da burda, hayım da burda,
Oxum,kamanım da, yayım da burda,
Qayıdıb gedirəm gəldiyim “yurda”,
Mən nə gətirmişdim, nə aparıram.
Varlığı,yoxluğu gördüm gözümlə,
Olanım,olmazım qaldı sözümdə,
Beş arşın kəfəndən savay özümlə,
Mən nə gətirmişdim, nə aparıram.
GÖRMÜŞƏM
Zirvə vüqarına güvənmə heç vaxt,
Zirvəni qar,yağış döyən görmüşəm.
İlxıda ayğırlıq edən köhlənin,
Vaxt olub ağzında yüyən görmüşəm.
Quzeydə gül bitməz əriməsə qar,
Güneyə sakindir həmişə bahar.
Hara yolun düşsə təmizlik apar,
Çirkini büdrəyib dəyən görmüşəm.
Ağac nə ağacdlr rişə olmasa,
Budaq nə budaqdır kölğə salmasa,
Bəzən alçaqları ucaldır masa,
Sonra da ikiqat əyən görmüşəm.
Mənbə və müəllif: Etibar Əbilov
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ANA
Gecələr yatmayıb lay-lay demisən,
Sevincin yerinə kədər yemisən.
Sonradan bilmişəm, demə sən,
Gecəni gündüzə qatmısan, ana!
Baharın qış oldu, nələri çəkdin,
Övladlar böyüdüb ümidlər əkdin.
Canının ağrısın qəlbinə bükdün,
Demərəm arzuna çatmısan, ana!
Gözlərə baxanda duyub anladı,
Günahı gizlədib özü danladı.
Tutub ətəyindən səni yanladım,
Xeyirxah qədəmlər atmısan, ana!
Uşaqlıq illəri ərköyünmüşəm,
Bəlkə də xətrinə çoxlu dəymişəm.
Şəklini qəlbimə çəkib döymüşəm,
Nə olar acığın tutmasın, ana!
Ehtiyac içində yaşasan belə,
Demədin dərdini obaya, elə.
Ruhunla ruhumu almısan ələ,
Sanıram cənnətdə yatmısan, ana!
Ehtiramla, MƏMMƏD MƏRZİLİ
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
6 yanvar Tamara xanımın doğum günüdür. Bu münasibətlə şairi təbrik edir və şerlərini təqdim edirik:
Payız lövhələri
Payızımın rəngi sarı,
Yorğanı var,neynir qarı.
Quşlar tapır,yeyir darı,
Külək qovur, uçur xəzəl,
Varmı bundan lövhə gözəl?
Dağ başından sis də enib,
Gör dərəyə necə sinib!
Susan səma çaxıb,dinib,
Yağan yağış narın-narın,
Aç qolunu, ona sarın.
Ay da bir az, az qızarır,
Xəstə kimi zarır,zarır.
Üzlər belə tez bozarır,
Sular azca qaymaq bağlar,
Payız da üşüyər, ağlar.
Köçün tütar qanadlılar,
Uçar,çapar göy atlılar.
Gələr bir də bu zatlılar,
Baharımda buralara,
Nəsil verər ara ,ara.
Yarpaq alıb qovur külək,
Külək əldə olub sülək.
Dağ başında tərlan tülək,
Yerə baxıb ovun gəzir,
Caynağında quşlar nəzir.
Doymaq olmur payızımdan,
Gecələrin ayazından.
Günəşin qısqanc nazından,
Misra -misra şeir gəlir,
Nəğmələşir sinə dəlir.
03.12.2022.
Bülbül
Bülbül , sənin işin zaydı,
Güllərin günlərin saydı .
Heyif, payız soyuq aydı ,
Gəlmisən toyuna ,bülbül?
Gəl göynətmə bu qəlbimi ,
Sığın mənə, sevim səni.
Dolaş könül çəmənimi
Gəl sarıl, boynuma bülbül .!
Xəzan olub bağça, bağın,
Solubdu şamama tağın.
Saralıbdı solun – sağın,
Yaraşmır soyuna bülbül!
Sarı köynək yalınqatdı,
Əlvan lələk qatbaqatdı,
Çox oxudun səsin batdı,
Yaraşmır boyuna bülbül !
Sən oxudun mən dinlədim ,
Yavrun olub , mən inlədim.
Zaman ötdü çox sinlədim
Vurğunam huyuna bülbül.
Dimdiyində qətrə damcı,
Yanğım üçün ver əlaçı.
Susuz dodaq neylər tacı ?
Möhtacam suyuna bülbül !
10.11.2023.
Qocalar
Taqətin itirib ,dəyişib yaman,
Qatlayıb belini bu dövran, zaman.
Belində durmayır bu nimdaş tuman,
Taleyin əlində qalıb qocalar.
Sürünür ayağı, durmayır yerdə,
Gözündən asılıb bir torlu pərdə,
İllərdir baş əyib, sağalmaz dərdə,
Zamandan hökmünü alıb , qocalar.
İllərlə özünün tayın axtarıb,
Ağarmış kirpiklə bir az nur yarıb,
Gecəsin bələyib , gündüzün sarıb,
Xəyala min kərə dalıb, qocalar.
Üzündə qırışlar illərin izi,
Gömürüb nə qədər doğma ,əzizi.
Çoxdan itiribdir qardaş əkizi,
Nisgili ürəyə salıb, qocalar.
Yetmişi ,səksəni haqlayıb,tutub,
Dilini dişləyib ,qəzəbin udub.
Deməyin Tamara bunu uydurub,
Allahın aşiqi ,talib qocalar..
31.05.2022
Müəllif: Tamara Sadiq
Naxçıvan
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru