Mənbə: Firuz Mustafa
Müəllif: Firuz MUSTAFA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Cek Londonun məzarı
Aylıq arxivlər: İyun 2024
Laçında “Çağdaş Azərbaycan ədəbiyyatında Qarabağ” mövzusu adlı tədbir keçirilib.
İyunun 25-də saat 11:00-da “LaCinema” kino mərkəzində Laçın Simurq Kitabxanasının təşkilatçılığı ilə “Çağdaş Azərbaycan ədəbiyyatında Qarabağ” mövzusu adlı tədbir keçirildi.
Tədbir mərhum şair, publisist Fikrət Sadığın qızı Azərbaycan Yazıçılar Birliyinin üzvü, Respublika İncəsənət Gimnaziyasının nəzdində fəaliyyət göstərən “Balaca” yazarlar birliyinin rəhbəri Aysel Fikrətin moderatorluğu ilə baş tutdu. Azərbaycan Respublikasının dövlət himni səsləndi, qəhrəman şəhidlərimiz bir dəqiqəlik sükutla yad edildi. Aparıcı Aysel xanım Laçına gələnlər haqqında qısa məlumat verməklə, qonaqları təqdim etdi. Daha sonra Şərq-Qərb nəşriyyat evinin redaktoru Nərgiz xanım Fikrət Sadıq yaradıcılığı haqda geniş məlumat verdi. Təşkilatçı Aysel Fikrət vətənpərvərlik haqqında şerlər ifa etdi. Simurq kitabxanasına Fikrət Sadığın şəxsi kitabxanasından kitablar bağışlanıldı. Kitabxananın əməkdaşlarına və şer söyləyən məktəblilərə “Fikrət Sadıq işığı” adlı sertifikat təqdim edildi. Tədbir şair Fikrət Sadığın tərcümə etdiyi Şəhriyarın sözlərinə bəstələnmiş Azərbaycan mahnısı ilə sona çatdırıldı. Fotolar:
Laçın Simurq Kitabxanası
Mənbə: Laçın Simurq Kitabxanası
Məlumatı hazırladı: Tuncay ŞƏHRİLİ
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
25 iyun Xanlar Həmidin doğum günüdür – Təbrik!
“YAZARLAR” cameəsi adından tanınmış yazar XANLAR HƏMİDi doğum günü münasibətilə təbrik edir, bütün həyat və fəaliyyətində yeni-yeni nailiyyətlər arzulayırıq!!!
Hörmətlə: Zaur USTAC
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Əsəd Cahangirin doğum gününə
25 iyun Əsəd CAHANGİRİN doğum günüdür! Təbiətin qanunauyğunluqlarına əsaslansaq, həm də söz səltənətində yeni istiqamətin – SÖZ MÜLKÜMÜZÜN CƏNUB QÜTBÜNÜN – yarandığı gündür! Mövludun mübarək olsun, əziz və dəyərli Əsəd bəy!!! Təbrik edirik!!!
Hörmətlə: Zaur USTAC
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
ҚӘЛБИМДЕГИ СӨЗДИ АЙТА АЛМАДЫМ
ҚӘЛБИМДЕГИ СӨЗДИ АЙТА АЛМАДЫМ
Қанша жыллар өтти ескен самалдай,
Еле сол пикирден қайта алмадым.
Ишимде бир дәрт бар қалған қамалдай,
Неге сол бир сөзди айта алмадым…
Бир өмир өртенер жалыны лаўлап,
Қәлбимнен шығарып жойта алмадым.
Енди жыллар өтип жанымды жаўлап,
Маған әрман болды айта алмадым…
Жандым муҳаббаттың ҳижиранларында,
Баяғы күнлердей сирә болмадым.
Еле егеўлейди қандайдур азап,
Неге сол бир сөзди айта алмадым…
Жаным жақсы көрер сыр шашалмайман,
Өзим айтқанымнан қайта алмадым.
Өзим жаққан оттан қашалмайман,
Сонда сүйдим деп не айта алмадым…
Бир өмир азабын шегип тәғдийирдиң,
Байлық әмел деген жолды таңладым.
Жолына түсиппен таяқсыз көрдиң,
Жыллар өткеннен соң енди аңладым…
(Бир жаўан налышы)
YAZAR: BİBİMƏRYƏM
ЖАНСАЯ (БИЙБИМӘРЬЯМ) УТАМБЕТОВА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
“Müharibədə qalib gəlmək kifayət deyil, sülhü təşkil etmək daha vacibdir.”
“Müharibədə qalib gəlmək kifayət deyil, sülhü təşkil etmək daha vacibdir.”
Bu Aristoteldən dərin sitatdır.O, mühüm bir həqiqətə toxunur – müharibədə qalib gəlmək hekayənin sonu deyil, davamlı və sabit sülhü təmin etmək üçün yeni çağırışın başlanğıcıdır. Aristotel başa düşürdü ki, əsl qələbə təkcə hərbi fəth deyil, döyüş bitdikdən sonra uzunmüddətli sabitlik və əməkdaşlıq üçün şərait yaratmaq üçün gərgin işdir.İlk növbədə müharibəyə səbəb olan əsas gərginlik və münaqişələr aradan qaldırılmasa, sadəcə olaraq düşməni məğlub etmək kifayət deyil.
Sitatda vurğulanır ki, əsl sınaq müharibədən sonra baş verir, o zaman liderlər və cəmiyyətlər öz diqqətlərini döyüş meydanı taktikasından yenidənqurma və barışıq kimi diplomatik, iqtisadi və sosial problemlərə çevirməlidirlər.Müvəffəqiyyətli sülh quruculuğu uzaqgörənlik, səbr və münaqişənin ilkin əlamətlərini deyil, əsas səbəblərini həll etmək öhdəliyini tələb edir.Aristotelin buradakı fikirləri qədim Yunanıstanda olduğu kimi bu gün də aktualdır. Davamlı sülh düşünülmüş dövlətçiliyi, kompromis və çətin məsələləri birbaşa həll etmək istəyini tələb edir. Sitat təkcə hərbi qələbənin əsl uğurun natamam ölçüsü olduğunu xatırladır.Dövlət xadimliyinin əsl nişanəsi müharibədən ədalətli və davamlı sülhə keçid qabiliyyətidir.
Məlumatı hazırladı: Zəhra HƏŞİMOVA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Firuz Mustafa – Səyahət
Amerikada Məhəmməd Əfşarla söhbət
…və nəhayət, bunu da deyim. Çörək alırdıq. Söhbətimizə diqqət kəsilən gənc satıcı gözləmədiyim halda dedi ki, zənnimcə siz Azerbaycan türküsüz.. Tanış olduq. Sən demə, Məhəmməd, Əfqanıstandan gəlibmiş Amerikaya. Dedi ki, bizə Əfşarlar deyirlər, bilirəm ki, kökümüz Azərbaycandandır.
Məhəmməd iki Univerditet bitirib. Əvvəlki hakimiyyət dövründə Əfqanıstan prezidentinin köməkçisi olub. Son çevrilişdən, dini radikallar hakimiyyəti ələ alandan sonra ölkəni tərk etməli olub. Dükanda müvəqqəti çalışır. Ona burada başqa iş vəd ediblər.
Məhəmməd Qarabağda əldə edilən qələbədən sevindiyini bildirdi. O, Əfqanıstanda da Qarabağ bölgəsinin mövcudlugunu vurğuladı.
…Əfqan, yəni “əfşar çörəyi” dadlı idi, lap bizim çörəklər kimi…
Mənbə: Firuz Mustafa
Müəllif: Firuz MUSTAFA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Ömürdü başından düman da keçər…
Ömürdü başından düman da keçər,
Ürəyi gözünün suyunu içər,
İnsan var yüz yaşda dünyadan köçər,
Adam var yüz ildir doğula bilmir.
Bəzən ağır olur qəlbinin yükü,
Ağrını yaş edib gözündən tökür,
Zaman namərd olur belini bükür,
Adam var yüz ildir doğrula bilmir.
Toxunar ruhuna fələyin sözü,
Yandırar könlünü məhəbbət közü,
İnsan var ölməyə gəlmir ki,üzü,
Adam var yüz ildir doğula bilmir.
Yaxşılar doğulur yüz ildə tək-tək,
Yaxşının qədrini biləsən gərək.
İnsan var libasın dəyişən mələk,
Adam var yüz ildi doğula bilmir.
Ümidim ayrılmır hələ xülyadan,
Bəlkə də görməyib dünya hələ dan,
Təvəkgül doğuldu getdi dünyadan,
Yadigar hələ də doğula bilmir.
Müəllif: Yadigar TƏVƏKGÜL
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
Xanlar Həmid -70
Xanlar Həmid -70
Xanlar müəllim düz 70 il bundan əvvəl uzunömürlülər diyarı Lerikin ziyalılar kəndi Çayrud kəndində dünyaya göz açmışdır.Bu günə qədər də dağlara söykənərək,öz doğma kəndində yaşamaqda davam edir.Öz poetik ruhunu,ilhamını söykəndiyi dağlardan,onun təmiz havasından və səffaf sularından almışdır.Orta məktəbi doğma kəndində,ali məktəbi isə doğma paytaxtımız Bakıda bitirmişdir.O vaxtdan ömrünü doğma kəndinə bağlamış,bütün həyat fəaliyyətini,yaradıcılığını bu kənddə davam etmişdir.Ədəbi yaradıcılığı da elə vaxtdan başlamışdır.Ədəbi mühitdə Xanlar Həmid imzası tez bir zamanda məşhurlaşmlşdır.Onun yazdığı qoşmaları,gəraylıları və qəzəlləri özünəməxsusluğu,dərin fəlsəfi mənaya malik olduğu,maraqlı və məntiqliliyi ilə seçilmişdir.Şeirlırində daim torpaq halallığı,dağ çiçəklərinin qoxusu və Vətəninə,doğma torpaqlarına bağlılıq hiss olunmuşdur.Vətənpərvərlik mövzusunda yazdığı şeirləri həmişə diqqət çəkmişdir.”Ana yurdum Azərbaycan”,Lerikimdədir”,”Bizim cənub böldəsində”,”Çayrud”,”Lənkəran” və s.kimi şeirləri dillər əzbəri olmuşdur.Xanlar Həmid Əruz vəznində də özünü sınamış və neçə lirik qəzəllər yazmışdır.Həmin qəzəllər xanəndə və müğənnilərin repertuarında böyük məharətlə və ustalıqla səslənmişdir.Elə bu sətirlərin müəllifi Tarix Vüsallı onun 15 şeirini səsləndirmiş və oxucular tərəfindən böyük rəğbətlə qarşılanmış,minlərlə baxış sayı ilə diqqət çəkmişdir.
Xanlar Həmid həm də avestaşünasdır.25 ilə yaxın Avestanın tərcüməsilə məşğul olmuş,1000 səhifəyə yaxın 3 cilddə kutab çap etdirmişdir.Hər kitabın təqdimatı Yazıçılar Birliyinin Natəvan zalında böyük təntənə və maraqla keçmişdir.Mən şəxsən həmin təqdimatların canlı şahidi olmuşam.
Xanlar Həmid həm də eşq,məhəbbət şairidir.Onda olan eşq,məhəbbət,sevgi Tanrının ona verdiyi ən böyük əlçatmaz möcüzəsidir.O,romantik bir şair kimi Tanrının ona bəxş etdiyi eşqdən qidalanaraq,oxucuları üçün çox gözəl lirik şeirlər yaratmışdır.Xanlar müəllimin məhz xoşbəxtliyi bundadır ki,öz sevgilərini,bu sevgidən doğan vüsal,həsrət duyğularını poeziyaya və nəğməyə çevirə bilmişdir.Xanlar Həmid yaradıcılığından günlərlə danışmaq olar.Ancaq mən burda fikirlərimi sona çatdırıram.Xanlar müəllimi bir daha ürəkdən təbrik edirəm.Ona həyatda uzun ömür,can sağlığı və saflığı,yaradıcılığında daha böyük uğurlar arzu edirəm.
Hörmətlə:Tarix Vüsallı.
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru
VƏTƏN, HARAN AĞRIYIR?
VƏTƏN, HARAN AĞRIYIR?
Qəlbin istəyən yerdə
Gəzmək olmur, bilirsən.
Bu qədər haqsızlığa
Dözmək olmur, bilirsən.
Sən sükuta dalmısan
nədən, haran ağrıyır?
Vətən, haran ağrıyır?
Daha gözlərim görmür
Salvartı yaylağını,
Məkan seçib qarğalar
Tərlanlar oylağını.
Dağı dumanlı görüb,
Düşkün Aran ağrıyır,
Vətən, haran ağrıyır?
Dərman tapa bilmirəm
Dərdinin əlacına.
Niyə gedə bilmirik
Qubadlıya, Laçına?
Neçə kəndlər, şəhərlər
Qalıb viran ağrıyır,
Vətən, haran ağrıyır?
Cıdır düzü göynəyir,
Elə bil gedib huşa.
Yolumuzu gözləyir
Dağlar qoynunda Şuşa.
Düşmən tapdağı altda
Yəqin yaran ağrıyır,
Vətən, haran ağrıyır?
Bağlanıb Füzulinin
Cəbrayılın yolları.
Zəngilanın, Ağdamın
Qandallıdı qolları.
Hasar çəkən görəndə
Sərhəd yaran ağrıyır,
Vətən haran ağrıyır?
Övladın var köksüylə
gülləyə sipər çəkir,
Övladın var dənizə,
meşəyə çəpər çəkir.
Nadanları görəndə
ürək hər an ağrıyır,
Vətən, haran ağrıyır?
Vətən, haran ağrıyır?
26.04.2016
Müəllif: Rafiq YUSİFOĞLU,
şair, Əməkdar mədəniyyət işçisi, filologiya elmləri doktoru, professor.
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru